Soma Biblia Kila Siku 1Mfano

Kutunga zaburi kama hii si kitu chepesi chepesi tu. Ni ushahidi wa mtu aliyepitia majaribu na mapambano mengi katika maisha yake (m.3-4; 9-10). Alipata msaada kwa njia ya kuyaondoa macho yake yasitazame matatizo bali yaelekee kwa Mungu! Nafsi yangu yamngoja Mungu peke yake kwa kimya, wokovu wangu hutoka kwake. Yeye tu ndiye mwamba wangu na wokovu wangu, ngome yangu, sitatikisika sana(m.1-2; 5-6). Ili kulikaza neno hili amelirudia mara mbili! Hatua ya kwanza ni hii: Tumfungulie Bwana yaliyomo mioyoni mwetu (m.8)!