Mistari Maarufu ya Biblia kutoka Mataio 24

Shirikisha

Aea ipi safu miroapaita mai sa fafarapaita lea vei, karu rauapo ve elore elore leitita haikakare taiparaeai roi. A—, haiiri rofo ita meita tetetete soa kaleitita lea karu la lei makuri leiti roi.

Soka basileia ve mea Ovoro Lareva mearovaeka foromai voa itoro ari roi, toruipi‐ipi karu foromai la lei ore leiti vei; aite soa sarapaita soa lōri forerai roi.

Soka e haekao voa arita marehaukai rauapo ve hohororo, aea ára‐ita voa arita marehaukai rauapo ve fari ita la mapaita lea mea, hai levi isoia. Lea etau rauapo forerai roi, a—, soa sarapaita soa areapo.

Ipi toruipi haria karu ere toruipi haria karu la marehaukai vei itotea itotea ari roi, aeata basileia aea basileia haria ita sosori ari roi; aea posera aea pupuiōvu ita lō patei leiti roi. Lea haisora ere usoso avasa pataita soa ve oarehōva leita hehea feare.

Kauri ita mearovaeka ita kaleiti roi, a—, arave o levi kaleiti roi.

Karu rauapo arave rare ita foreri mō ari roi, Ara Keriso, aea ere karu rauapo la apeva lōfeare vuteai roi.

Lea soa voa ere ero fasi teavi sari vei miōri, ero paea opai roi. Toruipi hariaharia karu foromai arave rare vei ero kaifa leiti roi. Lea mea karu rauapo la lei safosafoa putei putei a’, aea havara elore elore lō paraea lō paraea lei, aea elore elore kaifa leiti roi. Aea apeva peroveta rauapo itotea, karu rauapo la apeva vuteai roi.

Iesu tava o erero mō ōpe, Kiva leitia, karu ero apeva vuteai ave.

Soka, e ta reha, kekese lei vovo roroava, ipi e sa ore auke ora voa Karu ve Atute forerai roi.

Lea vei, kiva leitia, ovoako leitia, ipi eve Papuvita forerai sare leasauka e lea la ore kasirau.

Eite lea sare aeata lea ora ve foreraita soa karu foromai ore kasirau, kauri voa pepeita aneru ta ore kao, Atute ta ore kao, a—, Oa sa haria ore.

Ipi apeva Keriso rauapo aeata apeva peroveta karu rauapo forerai roi. Ere peise etau maeamaea aea haihava leita mai rauapo ita la muiai roi, ipi ere leitita ore lei leiti oria, a—, ere Ualare sa haikaea maravaita lea karu la apeva vuteai vei.

Ipi Noa ve soa voa leiape lea mai feare, Karu ve Atute ve foreraita sare ta lōfeare leiti roi. Ipi lea soa voa ma patai auke leipe soa, ere larietau ma ita lalape, ere vita ita ua ita laeaiape, pepepepe Noa vavaea voa forerōpe lea sare voa; ere lea etau haveva lei, ma sa patei ovi aieri karu foromai la lei hohōroa haroavōpe; Karu ve Atute sa foreraita soa ta lōfeare leiti roi.