Populära bibelverser från Mateo 26

Dela

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Chaymi paykunata nirqa: Sonqoymi ancha llakisqa kachkan wañukunaypaq hinaña, kaypi qepaspayá rikchaysiwaychik, nispa.

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

Mikuchkaptinkum Jesusqa, tantata hapiykuspan Diosman graciasta qorqa, hinaspam pakiykuspan discipulonkunaman qoykurqa: Hapiychik hinaspa mikuychik, kayqa cuerpoymi, nispa.

Chaymantam vasotapas hapiykuspan Diosman graciasta qorqa, hinaspam paykunaman qoykuspan nirqa: Llapaykichik kaymanta tomaychik.

Discipulonkunapa kasqanman kutispanmi puñuchkaqta tariykurqa, chaymi Pedrota nirqa: ¿Manachum huk horallatapas rikchaysiwayta atirqankichik?

Kunanmantaqa manañam uvaspa rurunmanta tomasaqñachu, maypacham Taytaypa munaychakuyninpi qamkunawan kuska musoq vinota tomanaykama, nispa.

Chaymi Pedro yuyarirurqa: “Manaraq utulu waqachkaptinmi kimsa kutikama negawanki” nispa Jesuspa nisqanta. Hinaspam hawaman lloqsiruspa qapariywan waqakurqa.

¡Hatariychik, hakuchikña! Entregawaqniymi hamuchkanña, nispa.

Hinaptinmi Jesús nirqa: Espadaykita maymi kasqanman kutiykachiy, espadawan wañuchiqkunaqa espadawantaqmi wañuchisqa kanqaku.