Populära bibelverser från Marcus 13

Dela

Agus béidh fuath ag an uile dhuine oraibh mar gheall ar mʼainmse. Acht an té a bhéas seasmhach go deireadh, is é a shlánóchar.

Tabhairigidh aire, coimhéadaigidh agus guidhigidh: óir ní fhuil a fhios agaibh cá h-uair a bhéas an t-am ann.

Agus nuair a bhéarfas siad leo sibh chun sibh a thabhairt ar láimh, ná bígidh ag meabhrughadh roimh ré cad é déarfas sibh, acht an rud a bhéarfar díbh an uair sin, abraigidh é; óir ní sibh-se a labhras, acht an Spiorad Naomh.

Rachaidh neamh agus talamh ar neimhnídh, acht ní rachaidh mo bhriathra-sa ar neimhnídh.

Acht ní fhuil fios an lae ná na h-uaire sin ag aoinneach, fiú ag na h-aingle atá ar neamh, ná ag an Mhac, acht ag an Athair.

Agus nuair a chluinfeas sibh fá chogtha agus fá thuarascbhála cogadh, ná bíodh eagla oraibh; óir is éigean do na neithe sin a bheith ann, acht ní h-é an deireadh é go fóill.

Déanaigidh faire, dá bhrígh sin, (óir ní fhuil a fhios agaibh cá h-uair a thiocfas fear an tighe, an tráthnóna, nó meadhón oidhche, nó ag scairt an choiligh, nó ar maidin), Ar eagla, ag teacht i dtoibinne dó, go bhfaghadh sé sibh-se i bhur gcodladh. Agus an rud a deirim libh-se, deirim le gach aoinneach é: Déanaigidh faire.

Óir éireochaidh cineadh i n-aghaidh cinidh agus ríoghacht i n-aghaidh ríoghachta, agus béidh crathadh talaimh i n-áiteacha, agus gorta. Tús pianta iad seo.

Agus is éigean an soiscéal a sheanmóir ar dtús do na cinidheacha go h-uile.

Óir tiocfaidh mórán i mʼainm-se, ag rádh: Is mise é, agus meallfaidh siad mórán.

Acht feicigidh chugaibh féin. Óir bhéarfaidh siad ar láimh sibh i gcómhairleacha, agus sciúrsálfar sibh i sineagóga, agus seasóchaidh sibh i láthair uachtarán agus ríghthe ar mo shon-sa mar fhiadhnaise dóbhtha-san.

Óir éireochaidh críostanna bréige agus fáidhe bréige amach, agus léireochaidh siad cómharthaí agus tuartha chun na fíréin féin dá mbʼfhéidir é, a mhealladh.

Acht ins na laethe sin i ndiaidh an bhuaidheartha úd dorchóchar an ghrian, agus ní thabharfaidh an ghealach a solus, Agus béidh réalta neimhe ag tuitim, agus béidh na cumhachtaí atá ins na spéarthaí dá suathadh.