7 Gjëra që Bibla Thotë për PrindëriminShembull

Para disa vitesh, ndjemë thirrjen e Zotit për ta rritur familjen tonë nëpërmjet kujdesit Foster dhe birësimit. Ne e dinim se do të ishte e vështirë, por ishim gati të ishim duart dhe këmbët e Jezusit për familjet në nevojë. Ishim gati për të ndryshuar botën. Ajo që nuk kuptuam në atë kohë është se sa shumë Zoti do të ndryshonte botën tonë.

Njerëzit shpesh na thonë se sa të veçantë jemi që bëjmë këtë. Por më lejo të të them një sekret: prindërit e kujdesit Foster nuk janë të veçantë. Jemi të dërrmuar; ne i bëjmë gjërat lëmsh; bërtasim, dhe padyshim nuk kemi çdo gjë në terezi. Jemi thjesht njerëz që ecin në besim dhe zhytemi në rrëmujë. Ajo që është e veçantë, megjithatë, është ajo që Zoti bën kur jemi të bindur.

Kemi parë Zotin të shfaqet herë pas here në vitet e fundit që kur u bëmë familje kujdestare Foster, duke lëvizur më shumë male nga sa mbanim mend që Ai të kishte bërë ndonjëherë më parë. Kur mendonim se nuk kishte më shpresë për marrëdhëniet e një fëmije me familjen e tij biologjike, Zoti u shfaqte. Kur duhet t'u thonim lamtumirë disa prej fëmijëve për të cilët ishim kujdesur, Zoti u shfaqte. Kur mendonim se nuk mund t’ia dilnim mbanë edhe një ditë tjetër, Zoti u shfaqte.

Ky udhëtim na ka ndihmuar gjithashtu të kuptojmë më qartë se si na sheh Zoti. Ashtu si i mirëpresim fëmijët që janë të lënduar në shtëpinë tonë, Perëndia na ka mirëpritur në familjen e tij. Ai është Ati ynë Qiellor dhe mbrojtësi ynë. Ai nuk do t'ia dijë se cilat janë problemet tona, mëkatet që kemi kryer, ose kur ne dështojmë. Nëse shkojmë tek Ai, Ai na përqafon si një baba, na do pa kushte dhe na thërret bijat dhe bijtë e Tij.

Në qoftë se ndihesh i papërshtatshëm, në qoftë se ndihesh sikur po përballesh me rrethana të pamundura, apo edhe nëse thjesht nuk je i sigurt se çfarë duhet të bësh më tej, të inkurajoj që të kërkosh Zotin dhe të ecësh me të. Njerëzit mund të mendojnë se je i çmendur. Në fakt, mund të të garantoj se ata do ta mendojnë këtë. Por gjithashtu mund të garantoj edhe këtë: Zoti tashmë po të ndjek. Dhe Ai ka një plan për jetën tënde që është përtej çdo gjëje që mund të imagjinosh sot.

Taylor Ketron
Administrator i YouVersion