Eliseu: Rrëfimi i Një Besimi QesharakShembull

Gjatë gjithë jetës së Eliseut, shohim se shumë nga mrekullitë e kryera nga ai janë pothuajse identike me mrekullitë e Jezusit. Tek 2 i Mbretërve 4:8-37, Eliseu kryen një nga këto mrekulli të ngjashme duke shëruar djalin e gruas Shunamite. Kur Eliseu takohet për herë të parë me gruan, ai është aq i mahnitur nga mirësia dhe mikpritja e saj, saqë ai vendosi ta shpërblej atë me atë që ai mendonte se ajo dëshironte më shumë, një fëmijë. Perëndia i jep gruas një fëmijë, por vite më vonë djali vdes dhe gruaja I kërkon ndihmë Eliseut që ta sjellë atë përsëri në jetë. Ka dy gjëra interesante në lidhje me këtë pasazh. E para është mënyra qesharake që Eliseu përdor për të ringjallur djalin, duke u shtrirë mbi të, e duke puqur gojën, sytë dhe duart me djalin. E dyta është fakti që përpjekjet e Eliseut për ta ringjallur djalin, nuk ishin të suksesshme herën e parë.

Sa herë e ke gjetur veten në pozicionin e Eliseut? Je duke i kërkuar Perëndisë për të bërë diçka dhe e di se Ai mund ta bëjë atë, por kjo nuk ndodh herën e parë që e kërkon. Mund të kalojnë ditë, muaj, apo edhe vite. Mos hiq dorë kur nuk je i suksesshëm për herë të parë. Vazhdo të lutesh. Vazhdo të kërkosh Zotin. Ai do t'i përgjigjet lutjes tënde në mënyrën dhe kohën që është më e mirë për ty. Mos humb shpresën dhe vazhdo të lutesh. Çfarë është diçka që i ke kërkuar Perëndisë por Ai nuk është përgjigjur ende? Çfarë mund të bësh që të sigurohesh që nuk po dorëzohesh dhe po e kërkon Perëndinë në lutje për këtë gjë?