Le të lexojmë BiblënShembull

1 i Samuelit 13:14

Dhe në tërë Izraelin filluan të thonë: «Sauli mundi garnizonin e filistenjve dhe Izraeli tani urrehet nga filistenjtë». Kështu populli u thirr në Gilgal për të shkuar pas Saulit.

Ndëshkimi i Saulit

Në vendin e Izraelit po bëhej luftë. Filistejtë kishin ardhur aty. Sauli kishte frikë se do t’i duhej të luftonte së bashku me ushtarët e tij. Ai e dinte që nuk mund ta bënte këtë i vetëm. Kjo ishte arsyeja pse ai i kërkoi Samuelit që të vinte. Ai duhej të bënte një flijim dhe t'i kërkonte Perëndisë ndihmë. Por Samueli nuk erdhi. Ai e priti atë për shtatë ditë! Kështu në fund Sauli vendosi t’ia ofronte vetë flijimin Perëndisë. Kur sapo kishte mbaruar me flijimin, mbërriti Samueli. Samueli ishte shumë i zemëruar. Perëndia ishte gjithashtu i zemëruar me Saulin. Vetëm Samueli kishte të drejtë t’i bënte flijime Zotit, sepse Zoti kishte thënë që bërja e flijimeve ishte pjesë e veprës së tij. Sauli u ndëshkua sepse nuk e dëgjoi Perëndinë. Një tjetër mbret do ta zinte vendin e tij.