Le të lexojmë BiblënShembull

Eksodi 7:12, 13

Secili prej tyre hodhi bastunin e tij dhe bastunët u bënë gjarpërinj; por bastuni i Aaronit i përpiu bastunët e tyre.
Por zemra e Faraonit u ngurtësua dhe ai nuk i dëgjoi ata, ashtu siç kishte thënë ZOTI.

Mrekullia në pallatin e Faraonit

Moisiu dhe Aaroni u gjendën përsëri në pallatin e Faraonit. Ata do t’i tregonin se Perëndia i kishte dërguar. Aaroni mori bastunin e tij dhe e hodhi në tokë. Dhe ja... ai u shndërrua në një gjarpër! Faraoni u frikësua. Por më pas ai thirri me nxitim disa magjistarë. Ata bënë të njëjtën gjë si Moisiu, hodhën bastunët e tyre në tokë duke i shndërruar në gjarpërinj. A ishin ata po aq të fuqishëm sa Perëndia? Jo, nuk ishin, pa shiko, gjarpri i Aaronit i hëngri gjarpërinjtë e tjerë. Ata nuk kishin më një bastun. Por Aaroni po. Ai e pyeti Faraonin nëse pas kësaj do e linte popullin e Izraelit të shkonte. Por jo, ai nuk i dëgjoi. Pikërisht ashtu siç i kishte thënë Perëndia.

Mendo rreth kësaj...

Faraoni nuk e lejoi popullin e Izraelit të largohej. Ata duhej të punonin edhe më shumë. Populli i Izraelit fajësonte Moisiun dhe Aaronin për këtë. Çfarë bëri Moisiu atëherë? Ai lutet dhe i tregon gjithçka Zotit dhe pret për përgjigjen e Tij. Faraoni nuk i dëgjoi ato që thoshte Perëndia. Kjo ishte e tmerrshme. Ai ishte i pabindur. Si mund t'i bindesh Perëndisë? Kjo është e mundur vetëm nëse ke një zemër të re.