Merr aplikacioninTakim Romantik në Epokën ModerneShembull
Me Kë të Dalësh në Takime Romantike
Një nga rreziqet më të mëdha në takimet, është tendenca për të adoptuar një mentalitet konsumator më shumë sesa një mentalitet shoqërues. Kur i pyet njerëzit se me çfarë lloj personi dëshirojnë të takohen, ata fillojnë të rendisin një grup karakteristikash. “I gjatë, por jo shumë i gjatë. Të ndjeshëm, por të fortë. Me besim në vete, por edhe të kujdesshëm. I bukur, por qesharak. Dhe me një punë të mirë me të ardhura të plota. "
Problemi i fillimit me një listë të karakteristikave, është se krijon një pritje që askush nuk mund ta përmbushë. Ti po përpiqesh të personalizosh porosinë tënde, për të marrë atë që mendon se është më e mira për ty. Në takime, ti po kërkon një person që ta duash, jo një produkt që ta konsumosh. Pra, procesi yt i përzgjedhjes nuk mund të rrënjoset në karakteristikat kalimtare si pamja, hijeshia, ose pasuria, sepse këto karakteristika zbehen me kalimin e kohës (shiko Fjalët e Urta 31:30). Nëse martesa jote është e ndërtuar mbi karakteristikat sipërfaqësore, nuk keni shpresë së bashku për një të ardhme të qëndrueshme.
Në takime, nuk po ndërton një robot nga pjesët njerëzore për t'iu përshtatur nevojave të tua. Përkundrazi, po shfrytëzon jetën tënde për të ngritur personin tjetër për lavdinë e Perëndisë. Personin që zgjedh të martosh duhet të ketë një pikë ankorimi të dashurisë dhe moralit jashtë asaj që ti ofron, në mënyrë që martesa jote të qëndrojë e fortë edhe kur je në pikën më të dobët. Ti dëshiron dikë, besnikëria e të cilit ndaj teje nuk është e ankoruar në rërërat zhvendosëse të rrethanave.
Tani, a do t'i zbulosh të gjitha këto gjëra për një person që në takimin e parë? Sigurisht që jo! Çdokush mund të mashtrojë për veten e tij përmes një interviste një orëshe. Por ajo që dëshiron të shohësh, është dikush që përpiqet të bëjë gjëra të bukura për arsye të bukura. Ti dëshiron dikë që po ndjek në mënyrë aktive Zotin, me një nivel intensiteti të përputhshëm me tëndin. Ti dëshiron të qëndroni në altar së bashku dhe të premtoni se do të jeni besnikë ndaj njëri-tjetrit, pa menduar nëse të dy jeni të sinqertë.
Ti dëshiron të jetosh vitet e tua me dikë që është jo vetëm besnik ndaj Zotit, por edhe një përshtatje e mirë për ty. Bindjet dhe besimet e tua personale në lidhje me Zotin kanë rëndësi në marrëdhënien tuaj. Ekzistojnë çështje kritike teologjike për të cilat nuk mund të përkulesh: ekzistenca e Zotit në trinitet, realiteti i mëkatit, vdekja zëvendësuese e Krishtit, dhe shpëtimi me anë të hirit përmes besimit. Përtej këtyre, janë çështje të tjera kritike, për të cilat mund të jeni në gjendje të mos bini dakord dhe të punoni së bashku. Megjithatë, unë paralajmëroj që ndërsa nuk keni nevojë të jeni me një hap për çdo çështje, ju duhet të jeni të përputhur me çështjet më kritike për ty.
Të qenit të përputhshëm shoqërisht ka rëndësi. Pjesa më e madhe e martesës tënde nuk do të kalohet duke bërë seks, por duke qëndruar së bashku. Bashkëshorti yt duhet të të duket interesant. Duhet të keni qëllime të jetës dhe karrierës që ju drejtojnë në drejtime të përputhshme. Disa kompromise janë thelbësore. Por shumë, dhe të dy mund të përfundoni të irrituar, sepse nuk jeni në gjendje të përmbushni misionin tuaj në jetë.
Bibla i njeh vlerat në tërheqjen fizike (thjesht lexo Këngën e Solomonit). Është një faktor në ndërtimin e një marrëdhënieje - por nuk përcakton nëse duhet të jesh me dikë. Padyshim, kjo është për shkak se ne të gjithë plakemi dhe bukuria ose shëndeti i jashtëm zbehet. Pra ji i zgjuar! Është shumë më lehtë të shqyrtohen këto çështje para dasmës. Marrja në konsideratë e të gjitha këtyre pikave, do të të ndihmojë të dallosh nëse Zoti ka paracaktuar një marrëdhënie apo jo.
Përgjigju
Kur merr parasysh me kë të dalësh në takim romantik, çfarë kërkon tek një person?
Cilat janë rregullat e tua kur vendos me kë të dalësh? Ku je i gatshëm të përkulesh dhe të sakrifikosh në një marrëdhënie?
Si e përcakton nëse personi me të cilin dëshiron të dalësh, po përpiqet për të njëjtat qëllime që ke ti? Cila është gracka e mundshme për të mos e bërë këtë një prioritet?
Shkrimet e Shenjta
Rreth këtij plani
Takim romantik. . . a të përcjell kjo fjalë ankth apo pritje të gëzuar në zemrën tënde? Me gjithë lidhjet teknologjike, duket se kjo i ka bërë takimet më të komplikuara, pështjelluese dhe zhgënjyese se kurrë më parë. Në këtë plan leximi 7-ditor bazuar në të qënit Beqar. Duke Dalë në Takim. I Fejuar. I Martuar. Ben Stuart do të të ndihmojë të shohësh se Zoti ka një qëllim për këtë sezon në jetën tënde, dhe ofron parime udhëzuese për të të ndihmuar të përcaktosh se kë dhe si të dalësh në takime. Ben është pastori i Passion City Church, Washington, DC, dhe ish-drejtori ekzekutiv i Shërbesës Breakaway, një studim javor i Biblës ndiqet nga mijëra studentë kolegji në kampusin e Texas A&M.
More
