Jezusi Më DoShembull

Sepse Bibla më Thotë Kështu

Si të Krishterë, ne kemi zgjedhur Biblën si standartin e pandryshueshëm, në çdo gjë që bëjmë dhe e besojmë sepse dhe Jezusi bëri po të njëjtën gjë. Ne duhet ta lexojmë dhe t’i bindemi Fjalës së Perëndisë, për të plotësuar identitetin tonë në Krishtin. Jezusi deklaroi se çdo fjalë e Shkrimit, është më e sigurt se çdo planet ku ne mund të ecim. Por është më lehtë që të mbarojnë qielli dhe toka, se sa të bjerë poshtë qoftë edhe një pikë nga ligji. (Luka 16:17)

Fjala e Zotit na siguron gjithashtu durim, inkurajim dhe shpresë, ndërsa ndjekim Jezusin në një botë të rënë në mëkat. Ndërsa ndjek Jezusin dhe lejon që Fjala e Zotit të të riformësojë, ajo do të të rindërtojë, që të mund të funksionosh në çdo dimension: në marrëdhëniet e tua, mendimet, zakonet dhe zgjedhjet e tua.

Në një botë që po shkundet, që ndryshon, në një botë të rrezikshme dhe të paqëndrueshme, Perëndia dëshiron që ta bëjë të qëndrueshme. Edhe më shumë se kaq, Perëndia ka rezervuar vepra të mira, që ti mund të bësh. Ai do që ti të jesh i frytshëm. Ai dëshiron që ti të jesh një dritë në errësirë. Perëndia do të të përdorë në mjedisin ku ndodhesh dhe në jetën tënde. Ai do e bëjë këtë gjë, ndërsa ti e dorëzon veten tënde në Fjalën e Perëndisë dhe e lejon atë që të të rafinojë dhe të të përmirësojë.

Çdonjëri prej nesh është një punë në vazhdimësi. Kur shikon një fushë të jetës tënde, që nuk është ashtu si ti apo Perëndia dëshiron që të jesh, mos u dekurajo. Kur zbulon një mëkat të ri në zemrën tënde, apo shikon diçka të shëmtuar në jetën tënde, mos u mërzit. Çdo proces restaurimi është një punë në vazhdimësi, dhe çdo ndjekës i Jezusit, është një punë në vazhdimësi.

Gjithashtu, Fjala e Perëndisë është si një hartë. Ja se çfarë kam vënë re tek hartat. Edhe nëse përdor një hartë letër ose aplikacion, ti i beson njerëzve që e kanë vizatuar hartën ose kanë krijuar aplikacionin. Dhe po kështu funksionon me Fjalën e Perëndisë. Ka momente që mendojmë, unë me të vërtetë dua të shkoj djathtas, por Fjala e Perëndisë po më thotë që të shkoj majtas. Mund t’i besosh Fjalës së Perëndisë, në çdo lloj situate.

Krishtërimi dhe parimet bazë, që pamë nga vargjet e këngës Jezusi Më Do, bëjnë ndryshimin në jetën tonë dhe në botën ku jetojmë. Ndërsa Perëndia ndryshon mënyrën se si mendon, nëpërmjet bindjes dhe me fuqinë e Frymës së Shenjtë, do të fillosh të jetosh në një vend të projektuar për ty dhe do të përjetosh përmbushjen dhe qëllimin, që Perëndia ka për ty.

A ke ndërtuar ose vendosur një rutinë për leximin e Fjalës së Perëndisë? Bëje këtë zotim sot.