Kolektiv: Të Gjejmë Jetën Së BashkuShembull

A janë të gjithë kaq të vetmuar sa unë?

Në ditët e sotme informacioni është në dispozicionin tonë 24 orë në 7 ditë. Mund të kërkosh në Google çdo gjë, në çdo kohë. Mund të gjesh video të dobishme në YouTube se si të rregullosh një gomë të rënë, si të mbash buxhetin, apo edhe si të gatuash Ramen (recetë tradizionale Japonese). Dhe ndërsa kjo njohuri është e dobishme, mund të jetë e lehtë të konsumosh shumë informacion në izolim - gjë që nuk është ajo për të cilën jemi krijuar.

Zoti na ka krijuar për të jetuar në bashkësi. Kjo është një fjalë që ne e përdorim shumë në kishë, që në thelb do të thotë se kemi nevojë për miq të mirë. Pse? Sepse konsumimi i informacionit në izolim rrallë herë çon në transformim. Ne kemi nevojë për mençuri dhe mençuria rritet më mirë në komunitet.

Le të kthehemi pas tek fillimi. Gjëja e parë që Zoti tha ishte "nuk është gjë e mirë" që njeriu të ishte vetëm. Ne u krijuam për të pasur nevojë për njerëz. Jezusi e rregulloi këtë për ne në jetën dhe shërbesën e Tij në tokë.

Jezusi zgjodhi 12 njerëz të papërsosur për të jetuar jetën së bashku. Ata hëngrën së bashku, u lutën së bashku dhe shërbyen së bashku. Pse e bëri Ai këtë? Jezusi nuk kishte nevojë për njerëz. Ai është, pra, Jezusi. Ndoshta ishte për të na treguar se si t'i duam njerëzit e papërsosur, për qëllimin e Tij të përsosur.

Jezusi na tregoi se si ishte të kishe miq të shkëlqyeshëm. Dhe Ai e dinte se kjo do t'i kushtonte Atij. Ai e dinte që Juda do ta tradhtonte. Dhe sinqerisht, ndonjëherë Pjetri ishte pak i tepruar. Ai e dinte që Pjetri do ta mohonte dhe do ta refuzonte, por gjithsesi Jezusi i donte ata të gjithë.

Ka një mësim që mund të mësojmë nga ajo lloj dashurie. Shpesh jemi kaq të zënë për të pasur një mik të përsosur, sa që ne humbim miqtë e mundshëm përpara nesh. Kur gjejmë njerëzit tanë, ne duhet t'i duam ata - me të metat dhe të gjitha - në të njëjtën mënyrë që Jezusi na do ne.

Përfitimi tjetër i rëndësishëm i komunitetit është se Jezusi jo vetëm që e modeloi atë për ne, por gjithashtu premtoi se do të ishte në mes të tij. Jezusi tha që aty ku dy ose më shumë njerëz mblidhen në emrin e Tij, Ai është me ne. Kjo është një arsye mjaft bindëse për të kaluar kohë me njerëz të tjerë.

Kështu që, nëse po përpiqesh të kuptosh planin e jetës tënde pa njerëz rreth teje, ka të ngjarë që nuk do të veprosh ashtu siç e prisje. Ne kemi nevojë për njerëz për të përmbushur qëllimin tonë. Ne kemi nevojë për njerëz që të zbulojnë se kush jemi. Ne kemi nevojë për njerëz që na inkurajojnë, na forcojnë, luten me ne, na sfidojnë dhe na ndihmojnë kur biem dhe dështojmë.

Do të bëhet rrëmujë. Dhe nuk do të ketë gjithmonë kuptim. Por kur ti vendos të jesh si Jezusi dhe të duash si Jezusi—do të kuptosh që po shkon në një drejtim më të mirë, siç kemi folur ditën e parë.

Konsidero: Cilët miq të mundshëm po humbet sepse dëshiron ata të përsosurit?

Lutje: Jezus, faleminderit që na tregove se si është të jesh në një komunitet dhe për premtimin se do të jesh me ne kur të bashkohemi. Më ndihmo të mbështetem më shumë tek Ti dhe te personat që Ti ke vënë në jetën time. Më ndihmo të dua si Ti. Në emrin Tënd unë lutem. Amen.