Nga kjo ditë e tutje i Craig & Amy GroeschelShembull

“Për aq kohë sa do të jetoni të dy”

Kërkoni Perëndinë. Luftoni drejt. Kënaquni. Qëndroni të pastër. Dhe mos u dorëzoni kurrë. Këto pesë përkushtime janë çelësat për një martesë të qëndrueshme. Por kemi nevojë për Perëndinë për t'i bërë këto gjëra; ne s'mund t'i bëjmë ato me forcën tonë.

Lëreni të kaluarën në të kaluarën. Lejoni çdo ditë të jetë një ditë e re. Që sot e mot, ne mund të vendosim se çfarë duam që të jetë martesa jonë. Ne s'mund ta ndryshojmë të kaluarën, por Perëndia mund të ndryshojë të ardhmen tonë. Mbajeni martesën tuaj të thjeshtë, të fokusuar dhe të përqendruar në Krishtin dhe ju do të keni martesën që shumica e njerëzve vetëm sa e ëndërrojnë.

Le të lutemi bashkë: Perëndi, më ndihmo të shoh përfundimin e këtij plan leximi të Biblës si një fillim i diçkaje të re që Ti dëshiron të bësh në martesën time. Unë të jap kontroll të plotë të çdo fushe në jetën time — duke përfshirë martesën time — që e tërë jeta ime të të sjellë Ty nder edhe lavdi. Dëshiroj një martesë që i tregon botës se si është dashuria, shpengimi, hiri dhe falja tënde. Ndërsa kushtohem të të ndjek Ty, të lutem ji i pranishëm në martesën time dhe na jep të dyve favorin tënd. Faleminderit për gjithçka që tashmë Ti ke bërë në lidhjen tonë. Dhe faleminderit për atë që besoj se Ti do të vazhdosh të bësh në ne dhe përmes nesh. Në Emrin e Jezusit, amen.