Nxitje e Shenjtë: Përvetëso Një Jetë me Shumë Punë dhe me Pushim të MirëShembull

Pushimi është i vështirë për mua sepse prirja ime natyrore është të ngutem dhe të përpiqem. Kam jetuar mjaft gjatë me të metat e mia për të kuptuar që, e groposur thellë brenda meje, besoj që nëse nuk jam duke punuar, jam duke dështuar. Dhe nëse jam duke dështuar, jam e pavlerë. Por në të njëjtën mënyrë besoj se mund t'i shërbejmë Zotit në punën tonë, besoj se e nderojmë Atë kur pushojmë.

Duhet të ngadalësojmë, të kalojmë kohë në Fjalën e Zotit dhe të jemi mjaft të qetë për të dëgjuar zërin e Zotit, kështu që të jemi të pajisur më mirë për të bërë punën që Ai po na thërret të bëjmë. Kur përpiqem të shkoj 24/7 pa pushim, jo ​​vetëm që rraskapitem, neglizhoj familjen time, dhe shërbej si një kujdestare e dobët e shëndetit tim, por filloj të marr vendime të nxituara bazuar në axhendën time dhe ëndrrat në vend që të dëgjoj udhëzimim e qetë të Zotit.

Charles Swindoll shkroi, "Zoti kurrë nuk na kërkoi të përmbushnim presionet dhe kërkesat e jetës sipas kushteve tona ose duke u mbështetur në forcat tona. As nuk na kërkoi që të fitonim favorin e Tij, duke mbledhur një dosje mbresëlënëse të veprave të mira. Në vend të kësaj, Ai na fton të hyjmë në pushimin e Tij. ”

Zoti punoi dhe e quajti të mirë, dhe Ai pushoi dhe e quajti të shenjtë.

Ne jemi të ftuar t'i bashkohemi Atij në atë pushim, sepse në ato momente mund të lëshojmë barrët tona, të qëndrojmë me Të, dhe të bëjmë atë që Ai na krijoi për të bërë për të freskuar shpirtrat tanë për ditët në vijim.

Pushimi, për mua, dikur ishte të qëndroja e ulur në divan dhe duke ngrënë diçka pa mendje ndërsa shikoja televizor. Mendoja se e meritoja atë lloj pushimi, se duke bërë “asgjë” ishte se si duhej të pushoja. Por shpesh ndihesha më e rraskapitur, më shumë nga gjithë sheqeri që kisha konsumuar, dhe plotësisht e pamotivuar për të bërë ndonjë gjë.

Mund të thyej një mit për ty? Pushimi duket ndryshe për të gjithë. Unë kam miq që ndihen energjikë nga një vrapim i gjatë mëngjesi ku ata mund të jenë vetëm me mendimet e tyre, lutjet dhe rrugën. Kam miq të tjerë që përtërihen duke mbledhur njerëz në shtëpinë e tyre për ushqim të mirë dhe biseda të shkëlqyeshme. Dhe mund të zbulosh se je në pushimin tënd më të mirë kur lexon një libër, krijon art, luan muzikë ose bën kopshtari.

Zoti na ka krijuar me një kujdes të tillë që të mos jetë habi që pushimi ynë mund të jetë po aq i veçantë sa puna jonë.

* * *

Nëse të pëlqyen këto devocione të përshtatura nga Nxitje e Shenjtë: Përvetëso Një Jetë me Shumë Punë dhe me Pushim të Mirë nga Crystal Stine, dhe dëshiron të zbulosh më shumë rreth ndjekjes së qëllimit të Zotit për jetën tënde, vizito https://amzn.to/2I3ow1d.