Известные библейские стихи из लूका 12

Поделиться

तो थे बी त्यार रेवो क्युं क मनख को छोरो असी बगत आवलो जिका बारा मं थे बच्यार बी कोन लगा सको।

पण थे तो बीका राज की चंता करो। वे सबळी चीजा थान्अ मल जाव्अली।

तो ईसु बीन्अ खियो, “सावधानी सुं सबळा लालच का कामा सुं बच्या रेवो। क्युं क जुरत सुं सावटा धन मं बी मनख को जीबो कोन्अ।”

क्युं क जण्ढ्अ थांको धन छ उण्डअ थांको मन बी रेवलो।

थाम्अ सुं अस्यो कुण छ ज्यो चंता कर खुदकी उमर मं एक घड़ी बी ओर जोड़ सक्अ छ?

फेर वो खुदका चेला न्अ खियो, “जिसुं म थान्अ खेऊ छु, खुदका जीव की चंता मत करो क कांई खावला अर खुदकी काया की चंता बी मत करो क थे कांई फेरअला?”

अर देखो थांका माथा का एक-एक बाळ गणेड़ो छ। डरपो मतो थे तो घणीसारी चड़या सुं बी सावटा मोल का छो।

म्हारी भोळी-ढाळी लळड्‍याओ डरपो मतो, क्युं क थांको परमेसर थान्अ सरग को राज देबा बेई त्यार छ।

कागला न्अ देखो वे न्अ तो बाव्अ अर न्अ काट्अ। न्अ बा कन्अ नाज की ओबरया अर न्अ भंडार। फेरबी परमेसर बान्अ चुगो देव्अ छ। थे तो कागला सुं घणा सावटा मोल का छो।

अर चंता मत करो क कांई खावला अर कांई पिव्अला। या बेई बच्यार मत करो।

जिसुं जद्‍या मैदान की दोबड़ी न्अ ज्यो आज अण्डअ छ अर जिन्अ तड़क्अ भाड़ की आग मं बाळ दियो जावलो, परमेसर जद्‍या अस्यान का लत्ता सजाव्अ छ तो ओ कम बस्वासहाळावो, थान्अ तो वो ओर घणा सावटा लत्ता फेरावलो।

कांई बी छान्अ कोन्अ ज्यो चोड़अ कोन्अ कर्यो जावलो। अस्यानको कांई बी अण्जाण कोन्अ जिन्अ जाण्यो कोन्अ जावलो।