Известные библейские стихи из MARCOS 4

Поделиться

Were biahs Jesúz, no ptzoo me mdad mbedun; no ra me nisdoo: ―¡Güyudzie! ¡Di ctzuṟidiꞌ! No güliahz gahc mbedun, no gyreu güyuꞌ dzie. Byluxu ra Jesúz xmeññ me: ―¿Bia nacu zehdy rdzie laꞌd? ¿Nehx ziaꞌ rlíladzy laꞌd naa la?

Per leeyâme, modni gadzie yâme no ganabdiidz saꞌ yâme, ra yâme: ―¿Dxuz‑e leeme mpyquie-rieꞌ? ¡Xnahc‑e xtâ mbedun no nisdoo rzoob xtiidz me!

No nash Jesúz traz leññ barcü, nishcahsy me ncuꞌg me to lmad. Were psiuꞌ yâme lo me, no ra yâme leeme: ―¡Muextr! ¿Nehx nacu mbehty la, gayaꞌb nó?

No ra me meññ-rieꞌ zegahc: ―Gax lâ gann no ni rieññ laꞌd. Mdid ni rquee gahc laꞌd zrieñ meññ, leegahcu we squee Dioz mdid laꞌd no zdee me laꞌd mazy.

Zegahc ra Jesúz: ―Beeiy ni rahc ru to mpyquie rchaꞌdz me byni lo to lyu lehdy gylahñu, ze we zidguiahc mod-rtzoo Dioz mdad. No rgahsy me guiaal no riahs me rsily, no byni galahñu no ganiꞌzyu, no nehx nann me xnahc rniꞌzyu.

Bâḻ racladzy laꞌd guieññ laꞌd bia ganin la, lâ yquee ihqy laꞌd dtiidzaꞌ.