Soma Biblia Kila Siku/AGOSTI 2023Sample

Je, wewe unamfahamu Yesu kuwa nani? Ni jambo muhimu sana, maana ni hatua kuelekea kumwamini Yesu. Hapo haitoshi kuwa na elimu kubwa ya dini, maana tunaona viongozi wa kiyahudi hawakumfahamu Yesu kuwa yu nani. Jambo muhimu zaidi ni kusikiliza ushuhuda wa Yesu, maana huu unatusaidia kumwamini, kama ilivyoandikwa kuhusu waliomsikiliza siku ile: Yesualipokuwa akisema hayo, wengi walimwamini(m.30). Zingatia Yesu anavyojitambulisha katika m.12, 19 na 23:Mimi ndimi nuru ya ulimwengu, yeye anifuataye hatakwenda gizani kamwe, bali atakuwa na nuru ya uzima. ...Mimi hamnijui, wala Baba yangu hammjui...Mimi ni wa juu; ninyi ni wa ulimwengu huu, mimi si wa ulimwengu huu.Yaani Yesu anasema si mzawa wa Yusufu, bali ni Mwana wa Mungu. Ni juu ya ulimwengu kama Mwokozi wake. Tunapomwamini hatutakufa katika dhambi zetu!