FCA 365 Өдрийн Чимээгүй ЦагSample

БИ ТОМ,
БАГ МААНЬ ЖИЖИГ БАЙХАД

Эйлийн Ф.Сомми

Хүн бүр өөрийн ашиг сонирхлыг бус, харин бусдын ашиг сонирхлыг хар.
- Филиппой 2:4

Хоккейн багийн тамирчидтайгаа тоглолтын өмнөхувцас солих өрөөнд ярилцаад зогсож
байснаа би хэзээ ч мартдаггүй юм. Би туслах дасгалжуулагчаар ороод удаагүй, дээр нь
баг маань эхний тоглолтдоо хожигдчихсон байсан тул тэдэнтэй уулзахдаа миний санаа
зовниж байлаа.
Гэтэл хачирхалтай нь би ялагдаж, гутарсан ямар ч шинж мэдэрсэнгүй. Үнэндээ багийн
удирдагч нар хувцсаа солингоо ялалт байгуулсан үеүдээ ярьж, урам зоригтой байх нь
тэр. Mоор хувийн үзүүлэлт болон зорилгоо ярьж, Эллен хоёр оноондоо сэтгэл хангалуун
байгаа харагдана. Аль ч од тоглогч бусад гэмтсэн тамирчдаа анхаарсангүй. Хэрэв Еллен
Кенделд дамжуулсан бол илүү оноо багтаа авч ялалт байгуулж чадах байсан тухай би тэдэнд
хэлчихмээр байв. Гэвч хэн ч тэр тухай бодох хүсэлгүй мэт байлаа. Тэд зөвхөн өөрсдийн
хичээл зүтгэлээ л үргэлжлүүлэн ярьж байсан тул гайхширсан би гарч явсан юм.
Тоглолтын улирал үргэлжлэхэд би багийг дасгалжуулж байгаа бус, харин өөр өөрийн
хувийн амжилтаа тодотгох хүсэлтэй бүлэг хүнтэй ажиллаж байгаагаа анзаарсан юм. Тэд
чадварлаг хэдий ч хамтын хичээл зүтгэлээр багтаа ялалт авчирч, баярлан хөөрч үзэж
байсангүй. Бүгд хамтарвал, үүнээс ч илүү тоглож чадна гэдгээ тэд мэдээгүй байв. Ахлах
дасгалжуулагч хувийн үзүүлэлтийг илүү анхаарч эхлэх үед хувиа хичээсэн зан илүү хүч
авав. Улирлын тоглолтын төгсгөлд манай баг урам хугарсан хүмүүсээр дүүрлээ. Сүүлийн
тоглолтын дараа, зарим нь улирал дууссанд харамсаж байгаа харагдсан юм. Чадварлаг
тамирчидтай баг тэмцээнд ялагдахыг харсан би, багийн тоглолтоос илүү хувийн тоглолтод
анхаарах нь ямар их алдагдал авчирдгийг ойлгов. Хэрэв тэдгээр тамирчид Петрийн хөлийг
угааж, 5000 гаруй хүнийг хооллон, бидний өмнөөс загалмай дээр нас барсан Есүсийн оронд
байвал ямар санагдах бол? Түүний амьдрал, үхэл, амилал нь бидэнд өөрсдөөсөө илүүгээр
бусдад үйлчлэх ёстой гэдэг дуудлагыг маань сануулж байна. Бид хамтдаа ялалтад хүрч
чадна.

1.Багийнхандаа ямар арга замаар Христийн үйлчлэлийг харуулж болох вэ?
2.Хувиа хичээсэн тоглогчийг хэрхэн дасгалжуулдаг вэ?
3.Өнөөдөр та хэрхэн Христ шиг амьдрах вэ?
4.Нэмэлтээр унших: Ром 12; 1 Коринт 12; Филиппой 2:14–17

Есүс Эзэн минь, өөрөөсөө илүү бусдыг хайрлахыг хүсэж байна. Сүнсээрээ намайг
дүүргэж өгөөч. Амен.