FCA 365 Өдрийн Чимээгүй ЦагSample

АЙДАС БА ИТГЭЛ

Рожер Д.Лайп

Хуаран цэрэг намайг бүслэвч
Зүрх минь үл айна.
Миний эсрэг дайн дэгдэвч,
Энэ бүгдийн дунд би итгэлтэй байна.
— Дуулал 27:3

Бидний зүрх сэтгэлд өөртөө итгэх итгэл, айдас хоёул зэрэгцэн оршдог. Өөрөөсөө илүү
хэмээн бодож байсан өрсөлдөгчөөсөө давуу гэдгээ мэдрэх үед бид түүнээс айхаа больдог.
Тэгээд бүх юм муугаар эргэж байгаа юм шиг, сайхан боломжууд нөгөө баг руу шилжсэн
юм шиг санагдах үед, бидний зүрх сэтгэл энэ бүхнийг үл харгалзан өөртөө итгэлтэй болж
байдаг. Дасгалжуулагчийн зүрх сэтгэл бол багтаа хүчтэй өрсөлдөх боломжийг олгодог
түлхүүр юм.
Өнөөдөр бэлтгэл хийж байхдаа залбирлаар дамжуулан, зүрх сэтгэлдээ итгэл үнэмшлийг
төрүүлцгээе. Дасгалжуулагч хүн өөрийн сул талаа хамгийн итгэлтэй хамтрагчдаа улайж,
зүрх сэтгэлээ зөв болгож чаддаг. Ариун Бичээсийг уншин, хүч чадлыг олж авах ёстой.
Багийнхаа зорилгод чиглэсэн хоёргүй сэтгэл, үнэнч харилцаагаар, залбирал дотор зүрх
сэтгэлээ нэгтгэцгээе.

1.Өөртөө итгэх итгэл хаанаас ирдэг вэ?
2.Айдас хаана гэр орноо барьдаг вэ?
3.Эдгээр нь таны бие махбодь,оюун санааны шинж чанар уу? Эсвэл зүрх сэтгэлд тань
оршдог зүйл үү?
4.Нэмэлтээр унших: Дуулал 71: 1–13; Матай 14: 22-33

Аав аа, би Тантай, бусад дасгалжуулагч нартайгаа, мөн тамирчидтайгаа итгэлтэй,
нээлттэй харьцахад минь туслаач. Давуу өрсөлдөгчидтэй тулгарах үед, зүрх сэтгэлийг
минь зоригтой болгож, намайг болон багийг минь хязгаарлах айдсыг хөөн зайлуулж
өгөөч. Амен.