Spreuke – eenjaarleesplanSample

Die beskikbare verdediging teen die verleidster, wat die pa vir al sy seuns uitspel, is drieledig:

1. Beskerm jou gedagtes (dit is waarop “hart” in Hebreeus dui).
2. Vlug weg (moenie op haar paaie ronddwaal nie, ook nie op die internet nie)!
3. Hou in gedagte hoeveel mense al daardeur in die moeilikheid gekom het.

Spreuke 7 voltooi dus daarmee die tiende en laaste les van die pa aan sy seun(s) – al sy kinders. Hier is ’n handige opsomming van die tien lewenslesse:

1. Luister na jou ouers – Spreuke 1:8-19;
2. Soek wysheid met gespitste ore – Spreuke 2:1-22;
3. Vertrou God en ken Hom in alles – Spreuke 3:1-12;
4. Leer by rolmodelle – Spreuke 3:13-35;
5. Neem jou ouers se opvoeding ter harte – Spreuke 4:1-9;
6. Kies die pad van wysheid – Spreuke 4:10-19;
7. Hou koers deur te fokus op jou binneste en jou bakens – Spreuke 4:20-27;
8. Bly weg van hartelose verhoudings en leef met oorleg – Spreuke 5:1-6:19;
9. Pasop vir owerspel – Spreuke 6:20-35;
10. Pasop vir losbandigheid – Spreuke 7:1-27.