BibleProject | ការឆ្លុះបញ្ចាំងលើការយាងមកដល់Sample

ព្រះយេស៊ូវបង្រៀនអ្នកដើរតាមព្រះអង្គថា “ពេលមនុស្សបដិសេធអ្នករាល់គ្នា ឬបៀតបៀនអ្នករាល់គ្នា ដោយសារអ្នករាល់គ្នាដើរតាមខ្ញុំ ចូរអរសប្បាយ និងមានអំណរឡើង ព្រោះអ្នករាល់គ្នានឹងមានរង្វាន់ធំនៅស្ថានសួគ៌”។ យើងឃើញក្នុងសេចក្ដីបង្រៀនរបស់ព្រះយេស៊ូវថា អំណរពិតអាចរស់ក្នុងកាលៈទេសៈដ៏លំបាកបំផុត ព្រោះអំណរពិតមិនអាស្រ័យលើកាលៈទេសៈទេ។ ផ្ទុយទៅវិញ អំណរពិតពឹងផ្អែកលើព្រះជាម្ចាស់ និងបន្ទូលសន្យារបស់ព្រះអង្គ សម្រាប់អនាគតដ៏អស់កល្បជានិច្ចនៃ​រាស្រ្តព្រះអង្គ។ 

សូមអាន៖

ម៉ាថាយ ៥:១១-១២, កិច្ចការ ១៣:៥០-៥២, ហេព្រើរ ១២:១-៣ 

ឆ្លុះបញ្ចាំង៖

​​​​​​​​​​​យោងតាមអត្ថបទគម្ពីរទាំងនេះ តើអំណរអាចរក្សានៅក្នុងកាលៈទេសៈដែលឈឺចាប់ និងមានការគម្រាមកំហែងដោយរបៀបណា? សូមចំណាយពេលពិនិត្យ ហេព្រើរ ១២:១-៣ ឡើងវិញ។ ព្រះយេស៊ូវបានរងទ្រាំនឹងការឈឺចាប់យ៉ាងខ្លាំង ព្រោះទ្រង់អាចទតឃើញអំណរដ៏លើសបន្ទាប់ពីការរងទុក្ខរបស់ព្រះអង្គ។ ក្នុងអត្ថបទគម្ពីរនេះ អ្នកដើរតាមព្រះយេស៊ូវត្រូវបានត្រាស់ហៅឱ្យស៊ូទ្រាំនឹងការលំបាកដោយភ្នែករបស់ពួកគេសម្លឹងមើលព្រះយេស៊ូវ។  ទ្រង់ក្លាយជាអំណរនៅចំពោះមុខពួកគេ។ តើលោកអ្នកគិតថា ការ “សម្លឹងមើលព្រះយេស៊ូវ” មានន័យដូចម្តេច? សូមបង្វែរការឆ្លុះបញ្ចាំងរបស់លោកអ្នក ទៅជាពាក្យអធិស្ឋានចេញពីចិត្តចំពោះព្រះជាម្ចាស់។