BibleProject | ការឆ្លុះបញ្ចាំងលើការយាងមកដល់Sample

ពេលគេទូលសួរព្រះយេស៊ូវអំពីបទបញ្ជាសំខាន់ជាងគេនៅក្នុងព្រះគម្ពីរសញ្ញាចាស់ ដែលជាព្រះគម្ពីរហេព្រើរ ទ្រង់ឆ្លើយដោយដកស្រង់ចេញពីពាក្យអធិស្ឋានបុរាណដែលគេស្គាល់ថា សេម៉ា “ស្រឡាញ់ព្រះអម្ចាស់ជាព្រះរបស់អ្នកឱ្យអស់ពីចិត្ត”។ ប៉ុន្តែ មិនមែន​មាន​តែប៉ុណ្ណោះទេ។ ព្រះយេស៊ូវមានបន្ទូលថែមទៀតយ៉ាងឆាប់រហ័សថា បទបញ្ជាមួយទៀតពីព្រះគម្ពីរហេព្រើរក៏សំខាន់ជាងគេដែរ គឺ “ស្រឡាញ់អ្នកជិតខាងរបស់អ្នករាល់គ្នា ដូចខ្លួនឯង”។ ដូច្នេះ តើបទបញ្ជាមួយណាសំខាន់ជាងគេ? សម្រាប់ព្រះយេស៊ូវ បទបញ្ជាទាំងពីរនេះ គឺសំខាន់ណាស់ដូចគ្នា ព្រោះគេមិនអាចគោរពបទបញ្ជាទីមួយដោយមិនស្តាប់បង្គាប់តាមបទបញ្ជាទីពីរទេ។ បទបញ្ជាទាំងពីរនេះ មិនអាចញែកចេញពីគ្នាទេ។ សេចក្តីស្រឡាញ់របស់មនុស្ស ចំពោះព្រះជាម្ចាស់ត្រូវបានបង្ហាញដោយសេចក្តីស្រឡាញ់របស់ពួកគេចំពោះអ្នកដទៃ។ 

សូមអាន៖

ម៉ាកុស ១២:២៩-៣១, ទុតិយកថា ៦:៥, លេវីវិន័យ ១៩:១៨​ 

ឆ្លុះបញ្ចាំង៖

​​​​​​​​​​​​​សូមយកចិត្តទុកដាក់ ចំពោះអ្វីដែលព្រះយេស៊ូវមានបន្ទូល បន្ទាប់ពីទ្រង់បានដកស្រង់ចេញពីព្រះគម្ពីរហេព្រើរ។ ពេលលោកអ្នកឆ្លុះបញ្ចាំងព្រះបន្ទូលរបស់ព្រះអង្គ តើមានសំណួរ គំនិត ឬអារម្មណ៍អ្វីកើតឡើងចំពោះអ្នក? សូមពិនិត្យមើលអត្ថបទគម្ពីរពីទុតិយកថា​ និងលេវីវិន័យឡើងវិញ។ តើលោកអ្នកសង្កេតឃើញអ្វី? តើរឿងនេះមានឥទ្ធិពលយ៉ាងដូចម្តេច ចំពោះលោកអ្នកនៅថ្ងៃនេះ? សូមបង្វែរការឆ្លុះបញ្ចាំងរបស់លោកអ្នក ទៅជាពាក្យអធិស្ឋានទៅព្រះជាម្ចាស់ដោយចេញពីចិត្ត។