BibleProject | ലൂക്കിലൂടെയും ചെയ്തികളിലൂടെയും ഒരു യാത്രSample

പ്രവൃത്തികളുടെ ഈ ഘട്ടത്തിൽ, വ്യാപാര നഗരമായ അന്ത്യോക്യയിൽ യഹൂദേതര ആളുകൾ കൂടുതൽ യേശുവിനെ അനുഗമിക്കാൻ തുടങ്ങിയിരിക്കുന്നു എന്നതിനെക്കുറിച്ചുള്ള പുതിയ വാര്‍ത്തകള്‍ വരുന്നു. അതിനാൽ, കാര്യങ്ങൾ പരിശോധിക്കാൻ ജറുസലേമിലെ ശിഷ്യന്മാർ ബർന്നബാസ് എന്ന് പേരുള്ള ഒരാളെ അയയ്ക്കുന്നു. അന്ത്യോക്യയിൽ എത്തുമ്പോൾ, ലോകമെമ്പാടുമുള്ള പ്രദേശങ്ങളിൽ നിന്നുള്ള നിരവധി ആളുകൾ യേശുവിന്റെ വഴി പഠിച്ചതായി അദ്ദേഹം കണ്ടെത്തുന്നു. ധാരാളം പുതിയ അനുയായികളും ഒരുപാട് കാര്യങ്ങൾ ചെയ്യാനുമുണ്ട്, അതിനാൽ ഒരു വർഷക്കാലം അന്ത്യോക്യയിൽ പഠിപ്പിക്കാൻ ബർന്നബാസ് സോളിനെ നിയമിക്കുന്നു.

യേശുവിന്റെ അനുയായികളെ ആദ്യം ക്രിസ്ത്യാനികൾ അതായത് “ക്രൈസ്തവർ” എന്ന് വിളിക്കപ്പെട്ട സ്ഥലമാണ് അന്ത്യോക്യ, അന്ത്യോക്യയിലെ പള്ളി ആദ്യത്തെ അന്താരാഷ്ട്ര യേശു സമൂഹമാണ്. സഭ ഇപ്പോൾ പ്രധാനമായും ജറുസലേമിൽ നിന്നുള്ള മിശിഹൈക ജൂതന്മാരല്ല; ഇത് ഇപ്പോൾ ലോകമെമ്പാടും അതിവേഗം വ്യാപിക്കുന്ന ഒരു ബഹുജന പ്രസ്ഥാനമാണ്. അവരുടെ ചർമ്മ വർണ്ണ ങ്ങളും ഭാഷകളും സംസ്കാരങ്ങളും വ്യത്യസ്തമാണ്, എന്നാൽ അവരുടെ വിശ്വാസം ഒന്നുതന്നെയാണ്, എല്ലാ ജനതകളുടെയും രാജാവായ ക്രൂശിക്കപ്പെട്ടതും ഉയിർത്തെഴുന്നേറ്റതുമായ യേശുവിന്റെ സുവിശേഷത്തിൽ കേന്ദ്രീകരിച്ചിരിക്കുന്നു. എന്നാൽ സഭയുടെ സന്ദേശവും അവരുടെ പുതിയ ജീവിതരീതിയും ശരാശരി റോമൻ പൗരനെ ആശയക്കുഴപ്പത്തിലാക്കുകയും ഭീഷണിപ്പെടുത്തുകയും ചെയ്യുന്നു. റോമൻ സാമ്രാജ്യത്തിലെ ഒരു പാവ രാജാവായ ഹെരോദാരാജാവ് ക്രിസ്ത്യാനികളോട് മോശമായി പെരുമാറാനും വധിക്കാനും തുടങ്ങി. ക്രിസ്ത്യാനികളെ പീഡിപ്പിക്കുന്നത് ചില യഹൂദ നേതാക്കളെ സന്തോഷിപ്പിക്കുന്നുവെന്ന് രാജാവ് എത്രത്തോളം കാണുന്നുവോ അത്രത്തോളം അദ്ദേഹം അത് തുടരുന്നു, ഇത് ഒടുവിൽ പത്രോസിന്റെ അറസ്റ്റിലേക്ക് നയിക്കുന്നു. പത്രോസിന്റെ ജീവൻ ഭീഷണിയിലാണ്, പക്ഷേ അവന്റെ മോചനത്തിനായി അവന്റെ സുഹൃത്തുക്കൾ ആത്മാർത്ഥമായി പ്രാർത്ഥിക്കുന്നു. ഹെരോദാവ് തലേദിവസം രാത്രി പത്രോസിനെ അക്രമാസക്തരായ ജനക്കൂട്ടത്തിന് സമർപ്പിക്കാൻ പദ്ധതിയിട്ടിരുന്നു, ഒരു ദൂതൻ അവന്റെ സെൽ സന്ദർശിച്ച് ചങ്ങല തകർക്കുകയും ജയിലിൽ നിന്ന് പുറത്തെത്തിക്കുകയും ചെയ്തു.

വായിക്കുക, ചിന്തിക്കുക, പ്രതിവചിക്കുക:

ഇന്നത്തെ തിരഞ്ഞെടുത്ത ഭാഗങ്ങൾ വായിക്കുമ്പോൾ വരുന്ന ചിന്തകൾ, ചോദ്യങ്ങൾ അല്ലെങ്കിൽ ഉള്‍ക്കാഴ്ച കൾ എന്തൊക്കെയാണ്?

• പ്രവൃത്തികൾ 5:18-25 പ്രവൃത്തികൾ 12:4 മായി താരതമ്യം ചെയ്യുക. പത്രോസിനെ കാവൽ നിൽക്കാൻ ഹെരോദാവ്‌ നാലു സൈനികരോട്‌ കൽപ്പിച്ചതെന്തിനാണ് എന്നാണ് നിങ്ങൾ കരുതുന്നത്? ഹെരോദാവിനെക്കുറിച്ചും സാഹചര്യത്തെക്കുറിച്ചുള്ള അവന്റെ ഗ്രാഹ്യത്തെക്കുറിച്ചും ഇത് നിങ്ങളോട് എന്താണ് പറയുന്നത്?

• പത്രോസ് മാലാഖയാൽ ഉണർത്തപ്പെടുന്ന രാത്രി നിങ്ങൾ ജയിൽ അറയിൽ ഉണ്ടെന്ന് സങ്കൽപ്പിക്കാൻ സമയമെടുക്കുക. അത് എങ്ങനെയായിരിക്കുമെന്നാണ് നിങ്ങൾ കരുതുന്നത്? പത്രോസിന്റെ മോചനത്തിനായി പ്രാർത്ഥിക്കുന്ന ആളുകളിൽ ഒരാളായി സ്വയം സങ്കൽപ്പിക്കുക. പത്രോസ് വാതിലിൽ മുട്ടാൻ തുടങ്ങുമ്പോൾ നിങ്ങൾ എന്തു ചെയ്യുമായിരുന്നു?

• ജനക്കൂട്ടത്തെ ഹെരോദാവ് പരിഗണിക്കുന്നതും ഏക സത്യദൈവത്തെ അവഗണിക്കുന്നതും ശ്രദ്ധിക്കുക. അധ്യായം ആരംഭിക്കുന്ന രീതിയെ (12:1-4) അധ്യായം അവസാനിക്കുന്ന രീതിയുമായി (12:22-23) താരതമ്യം ചെയ്ത് വിരോധാഭാസം പരിഗണിക്കുക. ഈ അധ്യായത്തിലെ (12:7-8, 12:12:23) കഥാപാത്രങ്ങളുമായി മാലാഖമാർ എങ്ങനെ, എന്തുകൊണ്ട് ഇടപഴകി എന്നതും ശ്രദ്ധിക്കുക. എന്താണ് നിങ്ങളുടെ നിരീക്ഷണം?

• നിങ്ങളുടെ വായനയും ചിന്തയും ഒരു പ്രാർത്ഥനയാക്കി മാറ്റുക. കൃതജ്ഞത പ്രകടിപ്പിക്കുകയും നിങ്ങളുടെ ജീവിതത്തിന് ദൈവത്തിന് ബഹുമാനവും അംഗീകാരവും നൽകുകയും ചെയ്യുക. പീഡിപ്പിക്കപ്പെടുന്ന സഭയ്‌ക്കും അവരുടെ പ്രത്യാശയ്ക്കും സ്ഥിരോത്സാഹത്തിനും വിടുതലിനുമായി പ്രാർത്ഥിക്കുക.