रोमी 12:9-16

तिमीहरूको प्रेम देखावटी होइन तर साँचो होस्। खराब कुरा त्‍यागेर असल कुरामा लागिरहो। भातृप्रेमले एकले अर्कोलाई पनि प्रेम गर। अरूलाई आदर गर्न नचुक। गरिहाल्‍नुपर्ने काममा अल्‍छी नगर। आत्‍मामा जोशिलो भएर दिलोज्‍यानले प्रभुको काम गर। तिमीहरूले पाएको आशामा खुसी रहो। कष्‍टहरूमा धैर्य बन र सधैँ प्रार्थनामा लागिरहो। प्रभु ख्रीष्‍टका पवित्र जनहरूलाई खाँचो पर्दा सहायता देओ, घरमा आएका पाहुनाहरूको सेवासत्‍कार गर र सताउनेहरूलाई श्राप होइन आशीर्वाद देओ। त्‍यस्‍तै रमाउनेहरूसँग रमाओ। रुनेहरूसँग रोओ, सबैसँग मिलनसार होओ। कसैसँग शेखी नगर, तर सबैसँग नम्र भएर झुक अनि आफूलाई धेरै जान्‍ने पनि नठान।