भजनसंग्रह 68:1-6

परमेश्‍वरले उठ्‍नुभएर आफ्‍ना शत्रुहरूलाई छरपष्‍ट पार्नुहुन्‍छ, उहाँलाई घृणा गर्नेहरू हारेर भाग्‍छन्। उहाँले तिनीहरूलाई हावाले धुवाँ उडाएझैँ उडाउनुहुन्‍छ, आगोको अघि मैन बिलाएझैँ दुष्‍टहरू परमेश्‍वरको सामु नष्‍ट हुन्‍छन्। तर धर्मीहरू उहाँको अघि आनन्‍द गरेर रमाउनेछन्, तिनीहरू प्रसन्‍न हुन्‍छन् र आनन्‍दले स्‍वर उचाल्‍छन्। परमेश्‍वरको स्‍तुति गर, उहाँको नाममा प्रशंसा गाओ, बादलमा सवारी भई आउनुहुनेको निम्‍ति एउटा बाटो तयार गर। उहाँको नाम परमप्रभु हो, उहाँको उपस्‍थितिमा आनन्‍दित होओ। परमेश्‍वरले आफ्‍नो पवित्र मन्‍दिरमा बास गर्नुहुने टुहुरा-टुहुरीको वास्‍ता गर्नुहुन्‍छ र विधवाहरूको रक्षा गर्नुहुन्‍छ। उहाँले एक्‍लो मानिसलाई बस्‍ने घर दिनुहुन्‍छ र कैदीहरूलाई छुटकारा दिएर आनन्‍द दिनुहुन्‍छ। तर विद्रोहीहरू उजाड ठाउँमा बास गर्नुपर्नेछ।