सामर्थ्याने आणि धैर्याने जगा!नमुना

"त्याचे ध्येय वैयक्तिक आहे"

सृष्टीच्या प्रारंभापासून, पवित्र आत्मा अस्तित्वात आहे, जो सर्व पिढ्यांपासून आपल्यात राहतो.

"आणि पृथ्वी आकारविरहित व शून्य होती, जलनिधीच्या पृष्ठभागावर अंधकार होता आणि देवाचा आत्मा जलावर तळपत राहिला होता." उत्पत्ति १:२

परंतु येशूने वधस्तंभावरील आपले कार्य पूर्ण केले नाही तोपर्यंत पवित्र आत्म्याची सेवा प्रत्येक विश्वासणाऱ्यासाठी वैयक्तिक आणि घनिष्ठ बनली नाही. येशूने मृत्यूपूर्वी आपल्या शिष्यांना सांगितले की पवित्र आत्मा त्यांच्यात उपस्थित आहे, परंतु अद्याप त्यांच्यामध्ये राहत नाही..

"जग त्याला (पवित्र आत्मा) ग्रहण करू शकत नाही, कारण ते त्याला पाहत नाही अथवा त्याला ओळखत नाही; तुम्ही त्याला ओळखता, कारण तो तुमच्याबरोबर राहतो व तो तुमच्यामध्ये वस्ती करील. मी तुम्हांला अनाथ असे सोडणार नाही, मी तुमच्याकडे येईन." योहान १४:१७-१८

येशूने त्याच्या मृत्यूपूर्वी त्याच्या शिष्यांना सांत्वन देण्याचे वचन दिले होते की, तो अजूनही त्यांच्या जीवनात पवित्र आत्म्याच्या उपस्थितीद्वारे आध्यात्मिकरित्या त्यांच्याबरोबर असेल. येशूने सुरू केलेले कार्य पवित्र आत्म्याद्वारे आपल्या जीवनात चालू आहे. देव चार गोष्टी करण्यासाठी आपल्यातील पवित्र आत्म्याचा वापर करतो:

१. तो तारणाला वैयक्तिक वास्तव बनवतो.

2. तो तुम्हाला विजयीपणे जगण्याचे सामर्थ्य देतो.

३. तो तुम्हाला वाढण्यास मदत करण्यासाठी तुमच्यात ख्रिस्ती चारित्र्य निर्माण करतो.

४. तो तुमच्या भल्यासाठी सर्व काही करतो.