Өөрийнхөө хүмүүсийг тайтгаруулахын тулд

Христ мэндэлсэн баярын түүх бол гэнэтийн бэлгүүдээр дүүрэн аж. Дараагийн таван өдрийн туршид энэ эртний түүхийн гуйвуулалт, эргэлтийг болон энэ нь өнөөдөр бидний хувьд ямар утга учиртай болохыг олж мэдэх болно.

Бурхан асар хол байгаа мэт санагдах үе танд гарч байсан уу? Магадгүй Тэр дуугаа хураасан мэт эсвэл таны юу үзэж туулж байгааг харахгүй байгаа мэт санагдаж байгаа байж болох юм. Хэрэв тийм бол, та ганцаараа биш.

Дайснаар булаан эзлэгдсэн хотод та амьдарч байна гээд төсөөл. Тэд улс орныг тань захирч, амьдралыг тань тэсвэрлэхийн аргагүй болгож байна. Өсөж торниж байхдаа таны улс үндэстнийг гэсэн Бурханы хайрын талаар та сонссоор ирсэн. Гэвч он цаг улиран өнгөрөхийн хэрээр, Бурхан үнэхээр бидэнтэй хамт байгаа гэж үү?

Есүсийг ирэх хүртэл асар олон жилийн туршид эртний Израилын ард түмэн ийм л мэдрэмжийг мэдэрч байсан болов уу. Авлигад автсан удирдагчдаар тэд дарлагдан, ад үзэгдсээр ирсэн. Гэвч тэднийг чөлөөлж, тэднийг бүрэн бүтэн байдалд дахин сэргээхээр Аврагчийг Бурхан илгээх болно гэдэгт олон хүмүүс итгэсэн байлаа.

Ямар нэгэн зүйл өөрчлөгдөхийн төлөө залбирсаар, хүлээсээр байх хэдий ч Бурхан хариулах эсэхэд итгэлгүй мэт санагдах үе танд заримдаа гардаг уу? Тийм бол, Израилын зарим хүмүүсийн мэдэрч байсан шиг мэдрэмжийг та мэдэрч байсан болов уу. Гэвч хүлээж байх үед нь ч хүртэл Бурхан тэдэнтэй хамт байсан.

Гэвч Бурхан зүгээр л хүлээж байсангүй. Хэний ч төсөөлшгүйгээр гэнэтийн бас гайхалтай зүйлийг хийхээр Тэр хөшигний ард ажилласаар байсан.

Тэр аврагчийг зүгээр л илгээгээгүй. Тэр хүний биеэр төрсөн. Гэвч хүчирхэг удирдагч эсвэл хүчтэй дайчин болж ирээгүй. Үүнийхээ оронд, Тэр Өөрийгөө даруу болгон, Мариа гэдэг залуу эмэгтэйн хэвлий дотор бяцхан хүүхэд болсон бүрэлдсэн.

Бурхан тантай хамт байгаа эсэхэд та эргэлзэх үедээ Христ мэндэлсэн баярын түүхийн талаар бодоорой. Учир нь бид харж чадахгүй байх үед ч хүртэл Бурхан үргэлж бидэнтэй хамт байж, ажлаа хийсээр байдаг.

Залбир: Хайртай Бурхан минь ээ, бидэнтэй хамт байдгийн тань төлөө Танд талархъя. Таны оршихуйг мэдэрч чадахгүй байх үедээ ч хүртэл Танд итгэхэд надад туслаач. Христ мэндэлсэн баярын гайхалтай түүхийг тусган харах үедээ Таны хайран дотор өөртөө итгэлтэй байхад минь надад туслаач. Есүсийн Нэрээр залбирлаа, Амен.