Магтаал: Дуулал номын судлалЗагвар

Энэ хэсэгт юуг өгүүлж байна?

Эзэн бол сайн! Түүний хайр энэрэл мөнхийнх. Эзэнээр суллагдсан хүмүүс Түүний мөнхийн хайр энэрэл болоод гайхамшигт үйлсийн төлөө талархал өргөх ёстой.

Энэ юу гэсэн утгатай вэ?

Сулласан хүмүүсийнхээ төлөө Эзэний хийсэн гайхалтай үйлсийн заримыг нь бичээч ахин тоолжээ. Бурхан таагүй нөхцөл байдал бүрд итгэмжтэй байсан хэдий ч Түүнд талархан, Түүнийг магтахаа эсвэл Түүний хувиршгүй хайрын талаар бусдад хэлэхээ тэд огтхон ч зогсоогүй мэт харагдах аж. Амьдралдаа үзэж туулсан Бурханы оролцооны төлөө талархал өргөхийг Израилд сануулах хэрэгтэй болсон. Хүүхдүүдийнхээ амьдрал дахь хүнд хэцүү асуудлуудад Өөрийнхөө төлөвлөгөөг биелүүлэхийн тулд Тэр ажлаа хийжээ. Талархах зүрх сэтгэлтэйгээр Бурханы хайрын дагуух оролцоог анзааран харах нь мэргэн ухааны илрэл мөн.

Би үүнд хэрхэн хандах ёстой вэ?

Амьдралын чинь жижиг хэсэг бүрд Бурхан анхаарал тавьдаг. Энэ нь амьдралд асуудал гэж байхгүй гэсэн үг биш харин таны амьдралд мөн амьдралаар чинь дамжуулан Өөрийнхөө зорилгыг биелүүлэхэд – хэр хэцүүгээс үл хамааран – ямар ч нөхцөл байдлыг Бурхан ашиглах чадвартай. Саад тотгороор дамжуулан Эзэн итгэлийг тан, Өөрөөс нь хамаарах байдлыг мөн Түүний оролцооны төлөөх талархлыг тан өсгөх чадвартай. Ямар нөхцөл байдалд та Бурханы оролцоог харж байсан бэ? Энэ долоо хоногт Бурхан таныг юугаар хангасан бэ? Түүнд талархахад мөн Түүний агуу хайр таны хувьд ямар утга учиртай болох талаар өнөөдөр хэн нэгэнд хэлэхэд зориулан цаг гаргаарай.