BibleProject | Урвуу Хаанчлал / 1-р хэсэг - ЛукЗагвар

Есүс шавь нарынхаа дундаас арван хоёр хүнийг удирдагч болгон томилсон нь санаандгүй хэрэг биш юм. Энэ тоогоор Израилын арван хоёр овгийг аварч, шинэчилж байгааг бэлгэддэг. Гэвч эхэндээ шинэ Израил нэг их дээрдсэн юмгүй харагдана. Боловсролтой, боловсролгүй, баян, ядуу гээд зүсэн зүйлийн хүмүүсийг Есүс цуглуулсан байв. Тэр хүмүүс дунд улсыг нь эзлэн түрэмгийлж буй Ромчуудад хүчин зүтгэдэг татвар хураагч, Ромын эзлэн түрэмгийллийг эсэргүүцэн босогч хүртэл байлаа. Гадуурхагдсан, дорд нэгнийг хайрлах Бурханы хайр санаанд оромгүй хүмүүсийг нэгтгэдэг. Бие биенээ үзэж чаддаггүй дайснууд Есүсийг дагахын тулд бүхнээ хаяж, эвлэрэн, эв нэгдэлтэй байхаар шинэ хэв журмыг мөрдөнө.
Есүсийн урвуу Хаанчлалын сургаал нь энэхүү шинэ хэв журмын тухай гэдгийг Лук харуулсан. Ядуус ерөөлтэй еэ учир нь Тэнгэрийн Хаанчлал тэднийх, гашуудагсад хэзээ нэг өдөр баярлан инээх болно гэж Тэр хэлсэн. Дэлхийн энэхүү шинэ хэв журам нь дагалдагчдыг дайснаа хайрла, өөртөө дургүй хүнд гайхмаар өгөөмөр бай, энэрэнгүй байж, уучил гэсэн. Амьдралын энэхүү радикал хэв маягийн тухай Есүс яриад зогсохгүй ярьсан шигээ амьдарч, Өөрийнхөө амийг золиос болгон байж дайснаа хайрласан.

Уншаад, Эргэцүүлээд, Хариулна уу:

•Тантай итгэл нэгтэй хүмүүсийн дунд таны дургүй хүн байдаг уу? Урвуу Хаанчлалын тухай Есүсийн сургаал (Лук 6:20-38) тэр харилцааны тухай юу гэдэг вэ? Өнөөдөр тэр хүнд та радикал энэрэл, нигүүлслийг харуулах ямар алхам хийж болох вэ?

•Уншиж, эргэцүүлснийхээ дараа залбираарай. Бусдыг өршөөн энэрэхийг Есүсээс гуйн залбирахдаа Түүний өгөөмөр нигүүлслийг хүртээрэй. Энэ тал дээр танд ямар тусламж хэрэгтэй байгааг байгаагаар нь Түүнд хэлээрэй. Тэр сонсож байгаа.