Есүс яагаад төрсөн бэЗагвар

Та нарын төлөө

Өнөөдөр . . . Аврагч Эзэн Христ та нарын төлөө мэндэллээ. (Лук 2:11)

Гучин жилийн өмнө яг энэ сард охин минь төрж билээ. Би тэр үед Пастороор үйлчилж байсан бөгөөд Ням гарагийн өглөө эрт охин маань төрсөн учраас өмнө нь тэтгэвэртээ гарсан байсан Пастор миний оронд сургаал заасан. Сургаалын өмнөхөн тэр ийнхүү зарлав: "Өнөө өглөө Пастор Хойзий, түүний эхнэр Розмари нар охинтой боллоо." Гэхдээ тэр чуулганыханд, "Өнөө өглөө та нарын төлөө хүүхэд мэндэллээ" гэж зарласан бол хачин санагдахгүй байсан гэж үү? Охин минь эхнэр бид хоёрт л мэндэлсэн. Гэхдээ тэр бүхэл чуулганы төлөө эсвэл хэн нэгний төлөө мэндлээгүй.

Гэхдээ үүнийг үхтлээ айсан байсан хоньчдод тэнгэрэлч хэлсэн: Аврагч "та нарын төлөө" мэндэллээ. Энэ ойлгогдож байна гэж үү? Энэ бол Мари, Иосеф (тэр бүр ойлгогдоод байх арга замаар байгаагүй ч гэсэн) хоёрын хүүхэд байсан. Гэхдээ энэ бол хоньчдын хүүхэд байгаагүй. Тэд живхийг нь нэг ч удаа солихгүй шүү дээ. Тэд хүүхдийг хооллож, өсгөн торниулахгүй шүү дээ. Тэд хүүхэд дээр очиж харчхаад л эргээд хоньд руугаа явах болно.

Гэхдээ Есүс зүгээр энгийн нэгэн хүүхэд байгаагүй. Тэр хүн бүрийн төлөө ирсэн. Тэр бид бүгдийн төлөө мэндэлжээ.Тэр хоньчдын хүүхэд байгаагүй ч Тэр тэдний Аврагч нь байсан. Тэр тухайн үедээ хамгийн дорд, гологдсон, ялгагдсан тэдний төлөө ирсэн юм. "Та нарын төлөө." Бид эдгээр үгийг тоохгүй өнгөрөх нь элбэг байдаг. Гэхдээ эдгээр үг сайнмэдээний гол утга учрыг өөртөө агуулдаг!