Жон Беверийн хамт Садар самуунаас чөлөөт байх ньЗагвар

Бодол санаагаа шинэчил 

Өнөөдөр, би садар самуунаас эсвэл ямар ч зөрүүд гэмт зуршилаас чөлөөлөгдөх болоод чөлөөт хэвээрээ байх амин чухал тал дээр анхаарлаа төвлөрүүлэхийг хүсч байна. 

Хэрэв та Христ дотор дахин төрсөн бол хуучин хүн тань, гэмт хүслүүдийнхээ хамтаар Христтэй цовдлогдсон бөгөөд Түүн дотор та шинэ амьтай болсон гэсэн үг. Бурхан Өөрийнхөө Сүнсийг таны дотор оруулж, Өөрийнхөө дүр төрхийг танд өгсөн. 

Энэхүү үнэнийг мэдсэнээрээ гарцаагүй урган гарах асуулт гэвэл: би яагаад гэм үйлдсээр байдаг вэ? Үүний шалтгаануудын нэг бол бодол санаа тань шинэчлэгдэх хэрэгтэй байдаг учраас юм. Бодол санаа тань шинэчлэгдэх үед-махан биеийнхээ дагуу-дэлхийн боддогчлон та бодохоо больдог. 

Садар самуунтай тулалдах тулаан бол оюун санааны тулааны талбарт ялдаг зүйл мөн. Паул ингэж бичжээ, "Энэ үеийн явдалд нийцэлгүй, харин оюун санааныхаа шинэтгэлээр өөрчлөгдөж байгтун! Тэгвэл Бурханы сайн, тааламжит, төгс төгөлдөр таалал юу болохыг таних болно" (Ром 12:2). 

Тэгэхээр бид оюун санаагаа хэрхэн шинэчлэх вэ? Бурханы Үгийн үнэнээр өөрсдийгөө дүүргэх замаар. Паул ингэж зааварчилжээ, "Бурханы мэдлэгийн эсрэг босогч алив бардамналыг устгаж, бодол бүрийг Христийн дуулгаварт олзолдог" (2 Коринт 10:5).

Бурханы Үгтэй зөрчилдөхүйц бодол санаа орж ирэх үе бүрт та үүнийгээ үнэнээр солих ёстой. Энэ нь Түүний Үгээр дамжуулан Бурханыг таньж мэдэхэд цаг зав зарцуулах байдлаар та үнэнийг эхлээд мэдэх ёстой гэсэн үг. Есүс цөлд хэрхэн соригдсоныг санаж байна уу? Тэрээр Өөр рүү нь дайсны шидэх сорилтуудыг Бичээсээр эсэргүүцсэн. 

Хэрэв та өөрийнхөө толгой дахь тулаанд ялж, ялалт дотор алхахыг хүсч байвал, үүнтэйгээ адилаар та үйлдэж эхлэх ёстой. Өөр нэгэн эшлэлд, бид, "Бурханы үг болох Сүнсний сэлмийг ав" авах ёстой гэж Паул бидэнд хэлсэн байдаг (Ефес 6:17). 

Хэрэв та тулаанд ялахыг хүсч байвал зэвсэгээ авч, тулалдаж эхлэх цаг ирээд байна. Та Бурханы Үгийг өөрийнхөө дотор оруулж, дайсны худлуудтай тулалдаж эхлэх үед тэд таны дээрх хүчээ алдагдаж алдах болно. Тэр үед та Бурханы танд зориулсан амьдралыг таньж мэдэн, эрх чөлөөний замаар гүйж эхлэх болно.