Яагаад Есүс гэж?Загвар

Одоо юу хийх вэ? 

1. Бусдад хэлээрэй 

Өөрийн гаргасан шийдвэрээ чухал болгохын тулд бусдад хэлэх хэрэгтэй. Ихэнхдээ бусдад хэлэх үед энэ нь танд бодит болж эхэлдэг юм. Энэхүү мэдээг сонсохдоо дуртай байх хэн нэгэнд хэлж эхлэх нь шилдэг эхлэл байж болох юм.

2. Библиэ уншаарай 

Бид Есүсийг хүлээн авч, Түүнд итгэлээ өгөх үед Бурханы хүүхдүүд болдог (Иохан 1:12). 

Тэр бол бидний Бурханлаг Аав. Бусад аав нар шиг Тэр бидэнтэй дотно харилцаатай байхыг хүсдэг. (Библиэр дамжуулан) Түүнийг сонсож, залбирлаар дамжуулан Түүнтэй ярилцсанаар бид энэхүү харилцаагаа батжуулна. Библи бол Бурханы үг бөгөөд та өдөр бүр Иоханы сайнмэдээний цөөн хэдэн эшлэлийг унших нь танд тус болж болох юм. Унших үедээ тантай ярилцахыг Бурханаас гуйгаарай.

3. Өдөр бүр Бурхантай ярилцаж эхлээрэй (ж/нь: залбирах) 

Доорх зүйлс надад их тус болж байсан юм шүү: 

Х – Хүндлэл... Бурханы хэн гэдгийг болон Түүний хийсэн бүхнийг магтаарай. 

Г – Гэмшил... Өөрийн хийсэн буруу зүйлсийн төлөө Бурханаас уучлалыг хүсээрэй. 

T – Талархал... Эрүүл мэнд, гэр бүл, найзууд гээд бүх зүйлийнхээ төлөө Бурханд талархаарай. 

Г – Гуйлт... Өөрийнхөө төлөө, найзуудынхаа төлөө, бусдын төлөө залбиран гуйгаарай.

4. Амьд цуглаанд хамрагдаарай 

Бурханы хэлж буй үгийг сонсож, нөхөрлөлөөр дамжуулан бие биенээ босгон байгуулж, Бурханыг хамтдаа магтан алдаршуулдаг Христ итгэлт бүлгийн хэсэг болох нь маш чухал шүү. Цуглаан нь гайхалтай газар байх хэрэгтэй.

Би 1974 оны 2-р сарын 16-нд Өдөр 4-т бичигдсэн залбирлаар анх залбирч байсан юм. Энэ залбирал миний амьдралыг эрс өөрчилсөн. Энэ бол миний хийж байсан хамгийн чухал бас хамгийн гайхалтай үйлдэл байсан юм. Танд ч мөн адилхан байна гэдэгт би итгэж байна. 

Илүү дэлгэрэнгүй мэдээллийг авахыг хүсвэл энд дараад, Ники Гамбэлийн бичсэн Яагаад Есүс гэж? хэмээх номтой танилцаарай.