Энд л Таныг хүлээн байна, Найдварын Адвент АянЗагвар

ЕСҮС БОЛ БИДНИЙ БАЯР

ТУСГАЛ

Есүс бол зүгээр л таны бүх хэрэгцээг хангагч бус, танд хэрэгтэй байгаа зүйл бол Есүс Өөрөө юм. Таны зүрх сэтгэл Түүгээр болон Түүний төлөө бүтээгдсэн. Та бүх дэлхийг олж авахаар тэмцэн мацаж байлаа ч, Есүсгүй бол таны сэтгэл хэзээ ч бүрэн ханахгүй.

Хэрэв сэтгэлийн гүнд тань сэтгэл дундуур байдал ноёлж—хүмүүс, зугаа цэнгэл, найр наадам, материаллаг зүйлсээс эсвэл амжилт ололтоос бүрэн сэтгэл ханамж авч чадахгүй байгаа бол өнөөдөр та зүрх сэтгэлээ нээж, Есүсийн төлөө бүтээгдсэн болохоо санах цаг болжээ. Мөн таны Түүнээс холдох нь "багасч," харин Түүн рүү ирэх нь "ихсэх,"-ийн төлөө гуйгаарай. Танд Есүс л байхад хангалттай. Тэр яг одоо тантай хамт байна.

БЯСАЛГАХУЙ

Ирээч, ирээч, Иммануел

Ирээч, ирээч, Иммануел,
Баригдан, хоригдсон Израиль
Бурханы Хүүг ирэх хүртэл
Уйтгарын цөллөгт гашуудан байна.

Баярлагтун! Баярлагтун!
Иммануел чамд ирэх болноо, Израиль аа.

Ирээч, Иессийн удмын мөчир өө,
Өөрийнхнөө ирж чөлөөлөөч!
Тамын харанхуйгаас бүгдийг авраач,
Булшийг дийлэх ялалтыг өгөөч.

Баярлагтун! Баярлагтун!
Иммануел чамд ирэх болноо, Израиль аа.

Латин, c. 12-р зуун
Psalteriolum Cantionum Catholicarum, Köln, 1710
Орчуулагч Жон Мэйсон Нийл, 1818–1866, орлуулалт
1 & 4 бадаг

ЗАЛБИРАЛ

Аав аа, би сэтгэл хангалуун байдлыг хүмүүсээс болон энэ дэлхийн зүйлсээс хэрхэн хичээнгүйлэн хайж байсныг зөвхөн Та л мэднэ. Гэвч тэр бүхэн талаар өнгөрч, би ч гэсэн бөхдөг. Зөвхөн Та л миний цангасан сэтгэлийг дүүргэж чадна. Зөвхөн Та л бусдын өгч чадахгүй хайрыг өгдөг. Та бол хувирашгүй. Өнөөдөр миний нүдийг нээж, Өөрийн алдрын баялгийг харуулаач. Таныг улам илүү таньж мэдэхэд минь туслаач. Миний өмнө зассан Таны найрын ширээг харж, зөвхөн Таныхаа дотор баярлан цэнгэе. Амен.