Энд л Таныг хүлээн байна, Найдварын Адвент АянЗагвар

БИ ХЭНЭЭС АЙХ ВЭ?

ТУСГАЛ

Айдас, уур хилэн дунд байх үедээ хараагаа Есүс дээр тусгасан хэвээр бай. Тэр та нарын төлөө тулалдаж байгаа. Эммануэл ойрхон байна. Буруутгал таныг чиглэн нисч байх үед ч, сатан таны бодол санаа руу дайралт хийх үед ч, бусад хүмүүс таныг доош оруулан, нэрийг тань шавар дундуур чирэх үед ч, таны эсрэг хуйвалдаан сэдэгдсэн, мөн уруу таталтууд тань руу архирах үед ч, таны бие махбод ялагдаж улмаар өшөө авалтыг авахаар хашхирах үед ч—итгэл найдвар тань өмнөөс чинь тулалдагч Нэгэн дээр л байдаг. Бурханы хайр, Түүний агуу Нэрийн хүч чадал дотор танд айх аюул үгүй.

БЯСАЛГАХУЙ

Шуурган дунд Надад итгэхээс бүү ай

Шуурган дунд Надад итгэхээс бүү ай,
Би чамд үргэлж ойрхон байдаг.
Би шаардлагагүй айдсыг чинь тайвшруулахаар ирдэг,
Ядарч туйлдсан хүмүүс ээ, бүү ай.

Дахилт

Бүү ай, Би чамтай хамт байна,
Бүү ай, Би чамтай хамт байна,
Бүү ай, Би чамтай хамт байна,
Би чамтай хамт эцсийг нь хүртэл хамт байна.

Би үргэлж ойрхон байгаа юм шиг санагдахгүй байж болох хэдий ч
Би үргэлж чамтай хамт байх болно;
Харин тайван амгалан үед ч, шуурган дунд ч,
Би бүх аюулыг урьдаас харж байдаг.

Дахилт

Миний хүчит мутарт итгэж найдахаас бүү ай;
Энэ нь авралыг танд авч ирсэн учраас бүү ай.
Би чамд амийг өгөхийн тулд маш их зовлонг эдэлсэн,
Би чамд титэм өгөхийн тулд маш ихээр зовлон эдэлсэн.

Дахилт

Жэй. Дабль Юү. Хауй, 1—3 бадаг

ЗАЛБИРАЛ

Ааваа, шуурган дунд миний итгэл найдвар Танд л байх болно. Та миний төлөө тулалдаж байдаг, Та бүх дайснуудаас минь илүү агуу юм. Өнөөдөр надад тулгарах бүх зүйлээс Та хамаагүй илүү хүчтэй. Та миний хөл доорх ганхашгүй газар юм. Намайг хүрээлэн буй хүмүүсийн төлөө Танд талархъя. Өөрийнхөө хайран дотор Та намайг харж, хамгаалж байдгыг мэдсэний үндсэн дээр дайснуудынхаа дунд байх үед минь Та намайг тайвшруулаач. Амен.