Санхүүгийн замаа олохЗагвар

Мөнгө биднийг авардаггүй. Есүс биднийг авардаг.

Итгэл - хэр зэрэг жижиг байсан ч хамаагүй - маш их хүчтэй зүйл юм. Иохан номонд, Есүсийн дагалдагч нарын нэг болох Иохан, Есүсийг үдэш орой хүртэл сайн мэдээг номлож, зааж сургаж байсан цаг үеийг дүрсэлжээ. Хүмүүс өлсөж эхлэв. Тиймээс шавь нар нь Есүсээс сургаалиа дуусган хүмүүсийг гэр гэрт нь хариулахыг гуйсан. Үүний хариуд Есүс дагалдагчдадаа хоол хүнс ол гэж хэлдэг. Тэдний олж чадах зүйл бол нэгэн бяцхан хүүгийн үдийн хоол юм. Тэр өдөр Есүс таван талх, хоёр жижиг загасаар 5000 гаруй хүнийг хооллосон байдаг.

Гайхамшиг гэж үүнийг л хэлэх байх даа! Нэг бяцхан хөвгүүн түүнд байгаа бүхнээ өгөх хангалттай итгэлтэй байсан учраас хэдэн мянган хүн "хүссэнээрээ" (Иохан 6:11) хооллов. Тэр хүү өгсөнөөсөө илүү ихийг буцаж авсан, тэнд хангалттай их байсан учраас тэрээр мянга мянган хүнтэй хуваалцаж чадсан юм.

Бурханд бидэнд бидэнд байгаа зүйлс хэрэгтэй учраас Тэрээр биднээс өгөхийг гуйдаггүй. Түүнд байгаа зүйл бидэнд хэрэгтэй учраас Бурхан биднээс Өөрт нь өгөхийг хүсдэг. Таны өгөхөд итгэх итгэл төсөөлж байснаас тань хамаагүй илүү их нөлөөг үзүүлдэг. Бид нэг алхам ахин өгөх юм бол Бурхан гайхамшгуудыг үйлдэхэд бидний итгэлийг ашиглах болно.

Бодох зүйл:
1. 1-ээс 10-ын хооронд Бурханы хангах чадварт итгэх итгэлээ та хэрхэн үнэлэх вэ? Та яагаад сонгосон тоогоо сонгосон бэ?
2. Хамгийн сүүлийн удаа та гайхамшгийг харсан үе тань хэзээ байсан бэ? Тэр өдөр юу болсон бэ? Энэ нь таны итгэлийг хэрхэн өөрчилсөн бэ?
3. Гайхамшиг бүр итгэлийн алхамаар эхэлдэг. Бурханаас санхүүгийнхээ хувьд ямар гайхамшигийг үйлдээсэй гэж та гуйж байна вэ? Итгэлийн ямар алхам танд хэрэгтэй байна вэ?

Залбир:
Есүс, Та намайг аврах үедээ үхлээс амь руу авчирсан. Би бол алхаж буй гайхамши мөн! Зөвхөн миний аврал төдийгүй, амьдралынхаа бүхий л хэсэгт Танд найдахыг суралцах явцад итгэлийг минь өсгөж өгөөч.