നിങ്ങളുടെ മികച്ച നിക്ഷേപം!ഉദാഹരണം

“ബൈബിളിന്റെ അവലോകനം”

കാലാതീതമായ തത്ത്വങ്ങൾ, വ്യക്തമായ നിർദ്ദേശങ്ങൾ, ഒരു ക്രിസ്ത്യാനി എന്ന നിലയിൽ സന്തുലിതവും സംതൃപ്തവും അനുഗൃഹീതവുമായ ജീവിതം നയിക്കുന്നതിനുള്ള പ്രസക്തമായ ഉദാഹരണങ്ങൾ എന്നിവയാൽ ബൈബിൾ നിറഞ്ഞിരിക്കുന്നു. വാസ്‌തവത്തിൽ, കാലങ്ങളും ഋതുക്കളും മാറുന്നത് അനുസരിച്ച് ദൈവവചനം ഒരിക്കലും അപ്രസക്തമായിട്ടില്ല, അപ്രസക്തമാവുകയുമില്ല, മാത്രമല്ല അത് നമ്മുടെ ജീവിതത്തെക്കുറിച്ചുള്ള ദൈവിക ഉദ്ദേശ്യം നിറവേറ്റാൻ നമ്മെ തയ്യാറാക്കാനും സജ്ജരാക്കാനും ലഭ്യവുമാണ്.

"എല്ലാ തിരുവെഴുത്തും ദൈവശ്വാസീയമാകയാൽ ദൈവത്തിന്റെ മനുഷ്യൻ സകല സൽപ്രവൃത്തിക്കും വക പ്രാപിച്ചു തികഞ്ഞവൻ ആകേണ്ടതിന് ഉപദേശത്തിനും ശാസനത്തിനും ഗുണീകരണത്തിനും നീതിയിലെ അഭ്യാസത്തിനും പ്രയോജനമുള്ളതു ആകുന്നു." 2 തിമൊഥെയൊസ് 3:16-17

ബൈബിളിനെ ദൈവത്തിന്റെ നേരിട്ടുള്ള ഒരു ലിഖിത പ്രകാശനമായി കണക്കാക്കാം, അതിൽ അവൻ പ്രതിനിധീകരിക്കുന്നതെല്ലാം മനുഷ്യവർഗത്തോട് ബന്ധപ്പെട്ട കാര്യങ്ങളാണ്. ഇത് എന്താണ് അർത്ഥമാക്കുന്നതെന്ന് നിർവചിക്കാൻ സഹായിക്കുന്ന ചില പോയിന്റുകൾ ചുവടെയുണ്ട്:

1 - ബൈബിൾ ദൈവസ്‌നേഹത്തിന്റെ പ്രത്യക്ഷമായ പ്രകടനമാണ്. അത് അവന്റെ ഉത്കൃഷ്ട ഗുണങ്ങളെയും സ്വഭാവത്തെയും, ആശയവിനിമയത്തെയും കൽപ്പനകളെയും കുറിച്ചും, ആത്യന്തികമായി, ജീവിച്ചിരുന്ന എല്ലാവരോടുമുള്ള സ്നേഹത്തിന്റെ പരിപൂർണ്ണമായ പ്രകടനത്തെ കുറിച്ചും സംസാരിക്കുന്നു.

2 - ബൈബിൾ ദൈവശ്വാസീയമാണ്. ബൈബിളിലെ 66 പുസ്‌തകങ്ങൾ ഭൗതികമായി അനേകം എഴുത്തുകാർ എഴുതിയതാണെങ്കിലും, ഓരോ വ്യക്തിയും തങ്ങൾ എഴുതിയത് എഴുതാൻ ദൈവം പരിശുദ്ധാത്മാവിലൂടെ അവർക്ക് നേരിട്ട് പ്രചോദനം നല്കി.

3 - നമ്മുടെ ജീവിതത്തിനുവേണ്ടിയുള്ള ദൈവത്തിന്റെ അധികാരമാണ് ബൈബിൾ. ആത്യന്തികമായി, ബൈബിൾ മനുഷ്യരാശിക്കുള്ള ദൈവത്തിന്റെ “കത്ത്” ആയതിനാലും, ഉള്ളിൽ അടങ്ങിയിരിക്കുന്ന രചനകൾ ദൈവശ്വാസീയമാകയാലും, ദൈവത്തെപ്പോലെ തന്നെ അവന്റെ വചനവും നമ്മുടെ ജീവിതത്തിൽ അതേ അധികാരം വഹിക്കുന്നു.

നമ്മുടെ ആത്മീയ വളർച്ചയുടെയും ദൈവത്തിലുള്ള പക്വതയുടെയും ഏറ്റവും പ്രധാനപ്പെട്ട അടിസ്ഥാനങ്ങളിലൊന്നാണ് ദൈവവചനം. ദൈവവചന വിത്തുകൾ നമ്മുടെ ജീവിതത്തിൽ തഴച്ചുവളരാൻ പൂർണ്ണമായി അനുവദിക്കുന്നതിന്, അത് വായിക്കുകയും, അതിനെക്കുറിച്ചുള്ള നമ്മുടെ ഗ്രാഹ്യം വളർത്തിയെടുക്കുകയും, തുടർന്ന് അത് നമ്മുടെ ജീവിതത്തിൽ പ്രയോഗിക്കുകയും ചെയ്തുകൊണ്ട് നാം ആ വിത്തുകൾ നട്ടുപിടിപ്പിക്കേണ്ടതുണ്ട്.