युहन्ना 14

येशु तियाआ चेलाहा सांत्वना आप्यु

1तुमाआ मोन ने व्याकुल मा कोअहा परमेश्वरा पोओ विश्वास मेका अने माआ बी विश्वास मेका. 2माआ बाह्हाआ जागे जाअखो रोईला स्थान होय, केधी रोली नाहा ओते ताहा आय तुमाआ कोयु, ओते; काहाके आय तुमाआ याकोअता जागू तीयार कोइला याकोअता जात होय. 3अने केधी आय जात तुमाआ याकोअता जागू तीयार कोअही, ताहा फासाडी आवीत तुमामे लेतजाय कि जीही आय रोतलू तिही तुमामे पण रोही.

मार्ग सत्य अने जीवन

4जीही आय जात होय तीहीइ मार्ग तुमामे मालुम होय 5थोमा तियाहा कोयु, “ओ प्रभू, आमाहा नाहा मालुम का तू का जात होय?” ताहा “वाट केहकोईत मालुम रोही?” 6येशु तियाहा कोयु, मार्ग अने सत्य अने जीवोन आयुज होय; माआ वासित बाह्हा जागे कोडूच जानारू नाहा. 7केधी तुमु माहु ओलखे ओते, ताहा माआ बाह्हाहा पण ओलखे ओते; अने ओमे तियाहा ओलखीत, अने तियाहा पालल्ते पण. 8फिलीप्प लेतजा तियाहा कोयु, “ओ प्रभू, बाह्हाहा आमाहा देखाडीत आप, ओच आमा याकोअता खूप होय.” 9येशु तियाहा कोयु, ओ फिलीप्प, आय ओतो दिहे पोरोत तुमाआ आरी होय, अने कि तू माहु नाहा उलखित्लू? जीआ माहु पालील्यो होय तिये बाह्हाहा पाल्यो होय तू काहा कोत्लू का बाह्हाहा आमाहा देखाड? 10कि तू विश्वास नाहाकोईत का आय बाह्हा माय होय अने बाह्हू माआ माय होय ए गोठी आय ताहु कोत्लू, माआ त्यापोरोत नाहा कोहू शकत, परंतु बाह्हा माआ मायरोत तियाआ काम कोअत्लू. 11माआ विश्वास को का आय बाह्हा माय होय अने आय बाह्हा माय होय; नहाते कामाआ कारनोवाही मापो विश्वास को.

येशु नाव सी प्रार्थना

12आय तुमाहा खोरो-खोरो कोत्लू का जो माआ उपो विश्वास कोअत्लू, ओ काम आय कोअत्लू ते तो पण कोअही, नाहा ताहा तियाआ पेक्षाहि किबी काम तो कोअही, काहाके आय बाह्हाही जात होय. 13जे किबी तुमु माआ नावामेहे मागे, तोज आय कोअही का पुत्राच्या त्यापोरत बाह्हाआ गौरव उवे. 14केधी तुमु माआ त्यापोरोत माआ नावोवांहि किबी मागे, ताहा आय तियाहा कोअही.

पवित्र आत्माआ प्रतिज्ञा

15केधी तुमु माआ उपो प्रीती कोअता, ताहा माआ आज्ञाहा कोर्सरू. 16आय बाह्हाहा विनंती कोअही, अने तो तुमामे एक फाशी मदत कोअनारू मुकलिही का तो कायम तुमाआ आरी रोही. 17अर्थात सत्याआ आत्माआ, ज्याहा जग ग्रहण नाहा कोअहू शकत, काहाके तो तियाहा पालीत नाहा अने तियाहा, उलखित्लू; तुमु तियाहा ओलखीत, काहाके तो तुमाआ आरी रोतलू, अने तो तुमामे रोही. 18आय तुमामे अनाथ सोडविणारू नाहा; आय तुमाआ जागे आवीत होय 19अने थोडीज वेल रोत गोयी होय का फासाडी जग माहु पालनारू नाहा, परंतु तुमु मांहु पालिलो; याआ याकोअता का आय जीवतु होय, तुमु पण जीवतु रोय. 20तिया तेदीइया ही तुमामे ओ होमजीत्ले का आय आपाआ बाह्हा आरी होय, अने तुमु मामेह, अने आय तुमामे होय बाह्हा आरी होय, अने तुमु मामेह, अने आय तुमामे होय. 21ज्याआ जागे माआ आज्ञा अने ते तियाहा पालिलो, तोज माआ उपो प्रीती कोअत्लू; अने जो मापो प्रीती कोअत्लू तियापो मा बाहहू प्रेम कोअत्लू अने खुदोहो तियाआ उपो प्रगट कोअत्लू. 22दया यहूदा जो इस्करियोती नाहा ओतु, तियाहा कोयु, “ओ प्रभू, कि उवे का तू आपाआ माह आमा उपो प्रगट कोअला पाल्तू अने जुगोपो नाहा?” 23येशु तियाहा उत्तर आप्लु, केधी कोडु मापो प्रीती कोअत्लू ताहा तो माआ वचनाआ पालनारू, अने माआ बाह्हू तियाआ उपो प्रीती कोअही अने आय तियाआ जागे आवे नाणी तियाआ जागे रोही. 24जो मापो प्रीती नाहाकोईत, तो माआ वचन पालीत नाहा अने जे वचन तुमु होमलित ते माआ नाहा-नाहा ताहा बाह्हाआ होय, जीआ माहु मोकल्ये 25आव गोठी आय तुमाआ आरी रोतले तेह्लांम आय तुमामे कोल्यी. 26पोन मदत कोअनारू अर्थात पवित्र आत्माआ ज्याहा बाह्हू माआ नावामे मुकलिही, तो तुमामे आखे गोठी हिकाडही, अने जे किबी आय तुमामे कोयु ओ आखे तुमामे ओर कोईत आपे.

येशुउ शान्तिई उपहार

27आय तुमामे शांती आपित जात्लू आपाआ शांती तुमामे आपोहो; जेहलो जगात आपत्ले, आय तुमामे नाहा आपित तुमाआ मोन कासावीस न ओते अने बित नयेत. 28तुमु होमलित का आय तुमामे कोयु, आय जात होय, अने तुमाआ जागे फासी आवे केधी तुमु मापो प्रीती कोआ ताहा आव गोठीवाही आनंदाम उवे ओते का आय बाह्हा जागे जाय, काहाके बाह्हू माआ पोरोत वोडू होय. 29अने आय याआ आवतल्या पेलुज कोत आप्लु होय, जांहा ते होतगोयो जाय तेहलाम विश्वास को. 30पोन आय ओमे तुमाआ आरी जाअखो गोठी नाहा कोअनारू, आव जगोमेर्यू सरदार आवीत होय मापो तिया कोडलूच अधिकार नाहा; 31पोन ओ याआ याकोअता उवनारा होय का जग होमजीत्ले का आय बाह्हापो प्रेम कोअत्लू, अने जेहलो बाहहू माहू आज्ञा आप्युहु आय तेहेज कोअत्लू.

നിലവിൽ തിരഞ്ഞെടുത്തിരിക്കുന്നു:

युहन्ना 14: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക