युहन्ना 15

खोरी दाखलता

1आय खोरू द्राक्षाआ वेलु होय अने माआ बाह्हू किसान होय. 2जी डाली मामेहे होय अने फोल आपित नाहा तीही तो वाडीत टाकोहो अने जी लागे फोल आपोहो तियाअ लोगिई तो साफ़ कोअत्लू. 3तुमु ताहा तिया वचनावांही जे आय तुमामे कोयु ओमे तुमु शुद्ध होय. 4तुमु मामेह बोणीत रो अने आय तुमामे रोही जेहलो डाली जर द्राक्ष वेलुमे नेशेय ताहा स्वतः ती फोले आपुहू शकत नाहा तेहलूज तुमुभी मामेहे रोही नाहा ताहा फोल आपुहू शकत नाहा. 5आय द्राक्षाआ वेल होय, तुमु डाली होय जो मामेहे रोतलू अने आय तीयाम तो खुपुच फोल आपोहो काहाके मामेरोत अलग ओतगोयु किबी कोहू शकत नाहा. 6जर कोडु मामेहे रोही नाहा ताहा तो डाली होस टाकी आपलो आवत्लू अने उगात जात्लू अने मांहे तियाहा एखटो कोईत आगीम टाकीत जातेहे अने ते पेटाडीत जातेहे. 7जर तुमु मामेहे रोही अने माआ वचन तुमामे रोही ताहा जे जोवे ते मांगा अने ते तुमामे मिलीलो. 8माआ बाहाआ गौरव तीयेज ओते का तुमु जाखो फोल घेऊन आवे; तोयोज तुमु माआ शिष्य ठराविलो. 9जेहलो बाह्हू मापो प्रेम कोल्यु तेहलूज आय तुमापो प्रेम कोल्यु होय; माआ प्रेमाम बोणीत रो. 10जर तुमु माआ आज्ञाहा मानणारु ताहा माआ प्रेमाम बोणीत रोही; जेहलो आय आपाआ बाह्हाआ आज्ञाहा मान्ये होय अने तियाआ प्रेमाम बोणीत रोतलू. 11आय याआ गोठी तुमामे याकोअता कोयु होय का माआ आनंद तुमामे बोणीत रोही अने तुमाआ आनंद पुरो उवे.

चेलाआ एकदिहरारी सबंध

12माआ आज्ञा ए होय का जेहलो आय तुमापो प्रेम कोअयो होय तेहलूज तुमुभी एक दिहीरापो प्रेम को. 13यांपोरोत वोडू प्रेम कोडाआ नाहा का कोडु आपाआ दोस्तांकोअता आपाआ जीव आपित आपी. 14जी आज्ञा आय तुमामे आपोहो जर तुमु मानणारु ताहा तुमु माआ हेगांति होय. 15ओमोरोत आय तुमामे सेवक कोअही नाहा काहाके सेवकोहो मालुम कायना ओतो का तिया मालक नाहाकोत कोअत्लू; आय तुमामे हेगांति कोयु होय काहाके ज्या गोठी आपाआ बाह्हाप रोत होमल्याहा आखे तिया तुमामे कोत आप्या. 16तुमु माहु निवडील्ये नाहा ताहा आय तुमु निवडील्ये होये आने ठेरव्यो का तुमु जात फोल घेऊन आव अने तुमाआ फोल टीकित रोंहु जोवे का तुमु माआ नावामेहे जे किबी माआ बाह्हाप रोत मागहू तो तुमामे आपे. 17आव गोठीइ आज्ञा आय तुमामे यकोअता आपोहो का तुमु एकादिहीरापो प्रेम कोईओलो.

संसारोरी सताव

18जर जग तुमाआ द्वेष कोअत्लू ताहा तुमामे मालुम होय का तुमाआ आगाडी माआरी पण द्वेष कोअयु. 19जर तुमु जगोआ रोल्या ओते ताहा जग आपापो प्रेम कोल्यु ओते पण यामुळे का तुमु जगोआ नाहा पण आय तुमामे जगोमरोत निवडील्ये होय त्यापोत जग तुमाआ द्वेष कोअते. 20जी गोठी आय तुमामे कोल्यी ओती सेवक आपाआ मालापोरोत वोडू नाहा याहा ओर मेका जर तिये माआ छळ कोअयु ताहा तुमाआ पण द्वेष कोअनारू; जर तिये माआ गोठी मान्या ताहा तुमाआ पण मानणारु. 21पोन ऐ आखे किबी माआ नावोवाही तुमाआरी कोअनारू काहाके ते माहु मोकलीनाराहा उलखित्लू नाहा. 22जर आय आवयू नाहा अने तुमाआ आरी बोलतुल्यो नसते ताहा ते पापी ठेरव्यो कायना ओतो; पण ओमे तियाआ कोडलाज निमतीवाही पापो कोअता नाहा. 23जो माआरी द्वेष कोअत्लू तो माआ बाह्हा आरी पण दुश्मोनी ओलखिणारा. 24जर आय तीयाम ते काम कोल्यु कायना ओतो जे कोडु कोल्यु नाहा ताहा ते पापी ठरव्येहे कायना ओतो; पण ओमे तिये माहु अने माआ बाह्हाहा बेनुहू पालील्यो अने बेनुआरी द्वेष कोअयु. 25ओ यकोअता उवे का ते वचन पुरो उवूंहू जोवे जे तियाआ पवित्र नियमलेखिलो होय तियाआ माआरी बिनकामो द्वेष कोअयु 26पोन जाहा अतो मदत कोअनारू आविलो ज्याहा आय तुमापोओ बाह्हाप रोत मोकलीही म्हणजे खराआ आत्माआ जो परमेश्वारापोरोत आवत्लू ताहा तो माआ साक्ष होय, 27अने तुमु पोन माआ साक्ष होय काहाके तुमु पेलेरोत माआरी रोल्या होय.

നിലവിൽ തിരഞ്ഞെടുത്തിരിക്കുന്നു:

युहन्ना 15: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക