युहन्ना 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

आय तुमामे शांती आपित जात्लू आपाआ शांती तुमामे आपोहो; जेहलो जगात आपत्ले, आय तुमामे नाहा आपित तुमाआ मोन कासावीस न ओते अने बित नयेत.

येशु तियाहा कोयु, मार्ग अने सत्य अने जीवोन आयुज होय; माआ वासित बाह्हा जागे कोडूच जानारू नाहा.

तुमाआ मोन ने व्याकुल मा कोअहा परमेश्वरा पोओ विश्वास मेका अने माआ बी विश्वास मेका.

पोन मदत कोअनारू अर्थात पवित्र आत्माआ ज्याहा बाह्हू माआ नावामे मुकलिही, तो तुमामे आखे गोठी हिकाडही, अने जे किबी आय तुमामे कोयु ओ आखे तुमामे ओर कोईत आपे.

ज्याआ जागे माआ आज्ञा अने ते तियाहा पालिलो, तोज माआ उपो प्रीती कोअत्लू; अने जो मापो प्रीती कोअत्लू तियापो मा बाहहू प्रेम कोअत्लू अने खुदोहो तियाआ उपो प्रगट कोअत्लू.

आय बाह्हाहा विनंती कोअही, अने तो तुमामे एक फाशी मदत कोअनारू मुकलिही का तो कायम तुमाआ आरी रोही. अर्थात सत्याआ आत्माआ, ज्याहा जग ग्रहण नाहा कोअहू शकत, काहाके तो तियाहा पालीत नाहा अने तियाहा, उलखित्लू; तुमु तियाहा ओलखीत, काहाके तो तुमाआ आरी रोतलू, अने तो तुमामे रोही.

जे किबी तुमु माआ नावामेहे मागे, तोज आय कोअही का पुत्राच्या त्यापोरत बाह्हाआ गौरव उवे. केधी तुमु माआ त्यापोरोत माआ नावोवांहि किबी मागे, ताहा आय तियाहा कोअही.

केधी तुमु माआ उपो प्रीती कोअता, ताहा माआ आज्ञाहा कोर्सरू.

माआ बाह्हाआ जागे जाअखो रोईला स्थान होय, केधी रोली नाहा ओते ताहा आय तुमाआ कोयु, ओते; काहाके आय तुमाआ याकोअता जागू तीयार कोइला याकोअता जात होय.

अने केधी आय जात तुमाआ याकोअता जागू तीयार कोअही, ताहा फासाडी आवीत तुमामे लेतजाय कि जीही आय रोतलू तिही तुमामे पण रोही.

थोमा तियाहा कोयु, “ओ प्रभू, आमाहा नाहा मालुम का तू का जात होय?” ताहा “वाट केहकोईत मालुम रोही?”