प्रेरितो काम 1

प्रस्तावना

1ऐ थियुफिलुस, आय पेल्ली पुस्तेक ती आख्या गोठीई विषयोमेहे लीखीही जी येशु पेलरोत कोअतू ओतु अने हीकाडतू ओतू, 2तियाअ दिहेजा जोपोरोत तो तियाअ प्रेषितांहा जाअलो तिये निवडील्ये ओते पवित्र आत्माआ आज्ञा आपित उसे उसो कोअल्यु गोल्यो तिया दिहे कोईत ग्रंथ कोअयु. 3तिये दुख उठविल्या नंतर जास्तीज परमानोवाही स्वतःहा तियाहा देखाडीलाआ का आय जिवंत होय अने सालीह दीही पर्यंत तो तियाहा देखाहे रोला अने परमेश्वरोओ राज्याआ गोठी कोईत रोला.

पवित्र आत्माआ प्रतिज्ञा

4तियाहा आज्ञा आप्यी, यरुशलेमाहा सोडीत नाहा पण बाह्हाहा तो वायदा पुरो उविला वात पालीत रो ज्याआ गोठी तुमु मापोरोत होमल्यु होय. 5काहाके योहानाई पाअयोम बाप्तिस्मे आप्यू होय पण थोडो दिहो नंतर तुमु पवित्र आत्मावांहि बाप्तिस्मे लेही. 6कोईत तिये एकठे आविलो तियाहा फ़ुस्ल्याआ, “ओ प्रभू, के तू याज वेले इस्राएलाहा राज्य ईजि स्थापित को?” 7तिये तियाहा कोयु, तियाअ वेळेला किंवा काळाला समजीआलो ज्याहा बाह्हू आपाहाज अधिकारामे मेकलू होय तुमाही नाहा. 8पण जांहा पवित्र आत्माआ तुमापो आविलो तेहलाम तुमामे सामर्थ्य मिले अने यरुशलेम अने आखे यहुदिया अने शमरोन माय अने धरतीई टोकापोजा माआ साक्षी उवे.

येशुउ होर्गाम जाअलो

9ओ कोत तो तियाआ डोळ्या देखताआ उपो लेदो गोयु एने ढगाआ तियाहा तियाआ डोआ आगाडीरोत निकाडीत लेधलो. 10तियाहा जाआत्लू जांहा ते जुगोपो पालीलो ओते ताहा पाला बेन माहु पाडो कापडे कालीला तियापो आविलो उभे रोल्या, 11अने तियाहा कोयु, ऐ गालीली माहु, काहा उभे रोत जुगोपो पालीत होय? ओ येशु जो तुमाआ जागेरोत होर्गाम उसो कोअल्यु गोल्यो होय, ज्या प्रमाणोओ तुमु तियाहा होर्गाम जाआत्लू तुमु पालील्यो होय तियाआ प्रमाणोओ तो फासी आविलो.

सामूहिक प्रार्थना

12जांहा ते जैतुनाआ डोगोपोरोत जे यरुशलेमपोरोत होमला शब्बाथ दिहाआ लाबिपो होय, यरुशलेमोमे फासी आव्ये. 13अने ते तीइही पुग्या, तेहलाम तिया खोलीम गोये जीही पेत्र योहान, याकोब, अने आंद्रिया, फिलिप्पुस थोमा बरतुल्मै, मतय अने अल्फीई पोऱ्या याकोब शिमोन जीलोत याकोबाआ पोऱ्या यहुदा ओ रोत ओते. 14ओ आखे केते बोई अने येशुउ याह्ही मरिया अने तियाआ पाहीआरी एकचित ओतगोयु प्रार्थना कोईत रोल्या.

ऐन नोवला प्रेरितोंओ निवड

15अने तियाआ दिहोम पेत्र पायहो वीस मेहे मांहे ओते उभो रोत कोहू लाग्यू. 16ऐ पाहीही गोरोज होय का पवित्र शास्त्राआ ते वचन पुरो उवे जे पवित्र आत्मावांहि दाविदाआ सोबिमरोत यहुदाआ विषयी जो येशुहू तोइलाआ मुख्य ओतु, पेलरोत कोयु ओते. 17काहाके तो आमामेरोत गाल्यो अने आव सेवाकाई माय सहभागी ओवयू. 18(तिये अधर्माआ कोमाईवांही एक खेत वेसातो लेधलो अने धरतीपो सोब कोईत पोडीत अने तियाआ पेट फटीत गोये अने तियाआ आखे आतडे बारथे निहित आव्ये). 19आव गोठीमे यरुशलेमाआ रोणारे आखे होमजीत गोये इहिंजा का तियाअ खेता नाव तियाआ भाषम हकलदमा म्हणजे रक्ताआ खेत पोडीत गोये. 20स्तोत्रसहिता माय लेखिलो होय, ज्याआ को उजडी जाय जोवे अने तीयाम कोडूच रोंहु नाहा, अने तियाआ जागा कोडु दिहरु घेऊन लेई जोवे. 21त्यापोत जेवडे दीही प्रभू येशु आमा आरी आवीत जात रोला म्हणजे योहानाआ बाप्तिस्मे त्यापोरोत तियाआ आमाप रोत विसित लेदलातांहुजा जे मांहे आमा आरी रोल्या, 22हाजो होय का तीयामरोत एक जोओ आमा आरी तियाआ जिवंत उठीला साक्षी ओतगोयु जालो. 23तेहलाम तिये बेन जोह उभे कोल्यु एक योसेफ जो बर्सबा कोयु जात्लू अने मत्थीयाआ जिया उपनाव यूस्तुस होय याआ बेनुहू आगाडी कोल्यु, 24अने ए प्रार्थना कोअयी, ओ प्रभू तू ताहा आखाआ मोन मुदुह ओ प्रगट को का आव बेनुरोत तू कोडाआ निवडील्ये होय, 25तो आव सेवेए अने प्रेषितांआ जागा लेही ज्याहा यहुदा सोडीत आपाआ जागापो निहित गोल्यो. 26तेहलाम तिये त्याबारामे चिठी टाक्यी अने चिठी मत्थीयाआ ह्यापो निहथी कोईत तो आकरा प्रेषिताआरी गणला गोल्यो.

നിലവിൽ തിരഞ്ഞെടുത്തിരിക്കുന്നു:

प्रेरितो काम 1: NOINT

ഹൈലൈറ്റ് ചെയ്യുക

പങ്ക് വെക്കു

പകർത്തുക