Matayo 13

Omubibi wembuto

1Oko kiro ekyo Yesu mwalwa omo nyumba mwikala oko musike wengetsi. 2Nesyondeko nene mosyahindana ahabya, kyaleka iningira omo bwato mwikala; nendeko yosi moyikala oko mukokoro. 3Naye mwabwirabo emyatsi mingi omo misyo, mwabuga, ati, Lebaya, omubibi mwaya biba. 4Nomugulu abya akabiba, esindi esyombuto mosyatogera oko mutanda nzira, nesyonyonyu mosyasa mosyaryasyo. 5Esindi mbuto mosyatogera ekitaka kyamabwe, ahate mukungu mungi, neryo-neryo mosyalasa, kusangwa sihabya omutaka mungi, 6nikwa omugulu eryuba ryahuluka mosyahya; neryo kusangwa isisiwite emirihi mosyoma. 7Esindi syombuto mosyatogera omo mahwa, namahwa mwalasa mwanigasyo. 8Esindi esyombuto mosyatogera oko kitaka kyowene mosyasohola embuto, esindi erigana, nesindi amakumi endatu, nesindi amakumi asatu. 9Oyu wite amatwi owe.

10Neryo abiga mobasa mobabuga naye bati, Busana naki ukabuga nabo omo misyo kwehi? 11Naye mwasubiryabo ati, Inywe mwabirihabwa eriminya ebibisire byobwami bwelubula, nikwa ebo sibetahabwa. 12Kusangwa oyu wite asyahabwa, asyabya nebingi; nikwa oyu tawite asyasagulwa ekyo awite. 13Eki kikaleka inabuga nabo omo misyo, kusangwa bakalola sibelangira, neriowa sibariowa, kutse eriminya. 14Eriminye rera rya Isaya ryabiribererera kubo erikabuga riti:

Mwasyowa kwenene nikwa simwendisyaganirya na kera,

Mwasyalangira kwenene nikwa

simwendisyaminya na hake

15Kusangwa omutima wabandu aba abirikala

Na matwi wabo abirihumana okwowa,

Nameso wabo babirilibago,

Ibatalangira omo meso wabo

Neriowa omo matwi wabo,

Neriminya nomutima wabo,

Ibanyibindukira inalamyabo.

Erikumbula omusyo

16Nikwa ameso wenyu ari nomuyisa, kusangwa akalangira, namatwi wenyu kusangwa akowa. 17Kwenene ngababwira, abaminyereri bangi nabandu batunganene mobanza erilola kwebyo mukalangira, mobatalangirabyo, neriowa ebyo mukowa, mobatowabyo. 18Neryo mowe omusyo womubibi. 19Omu gulu omundu akowa eKinywa kyobwami isiariminyakyo, omubi akasa iniapura ekyabibawa omo mutima wuwe; esyo syesya bibawa oko mutanda nzira. 20Nikwa esyabibawa oko kitaka kyamabwe, yoyu ukowa eKinywa neryo-neryo akangirirakyo nobutseme; 21nikwa siawite omurihi omwisi wuwe, nikwa akasika akatambi kake, nomugulu obulige kutse eriendererya rikahuluka busana nekinywa, neryo-neryo akatwikala. 22Nikwa eyo yabibawa omo mahwa, yoyu kowa eKinywa, nikwa amaga niryo we kihugo nobutseme bwebindu bikaniga eKinywa ekita buta ebiguma. 23Nikwa eyo yabibawa oko kitaka kyowene, yoyu kowa eKinywa akaminyakyo; yoyu kwenene akabuta ebiguma, ehandi erigana, nehandi amakumi endatu, nehandi amakumi asatu.

Ebiti omo nganu

24Ogundi musyo mwatwago embere syabo, ati, Obwami bwelubula bwangaringiriranibwa nomundu oyu wabiba embuto yowene omwirima riwe; 25nikwa omugulu bandu babya to enzigu yiwe moyasa moyabiba biti omukati-kati kenganu, moyagenda. 26Neryo omugulu omugera ahuluka nerisohola, neryo ebiti ebyo mobyahuluka. 27Na bagombe bomwenye enyumba eyo mobasa mobamubulya bati, Mukama mutabiba embuto yowene omwirima ryawe kwehi? Neryo riwite ebiti byo riti kwehi? 28Naye mwabuga nabo ati, Enzigu yabirikola eki. Nabagombe mobamubulya bati, Wanzire itwaya kuma kumabyo kwehi? 29Nikwa mwabuga ati, Eyihi; isimukandibya mukakumakuma ebiti imwakulanga nenganu haguma nabyo. 30Muleke ebibiri byosi bilase haguma erihika oko mugulu werigesa; noko mugulu werigesa nasyabwira abagesi nyiti, Mutsuke erihindania ebiti musengebyo mo mulomulo okwihis ibwa, nikwa muhindanaye enganu omo mbiso yage.

Embuto ya haradali

31Ogundi musyo mwatwago embere syabo ati, Obwami bwelubula buringene nakabuto kaharadali ako mundu imaya mwabibako omwirima riwe; 32nako ni kake kwilaba esyombuto syosi, nikwa omugulu kabirikula kakabya kanene kwilaba ebindi biti ikabya omuti, nesyonyonyu syomukyanya isyasa isyahimba esyonyutu omo mitahi yako.

Ekihamya

33Mwatwirebo ogundi musyo ati, Obwami bwelubula buringene nekihamya ekyo mukali imaya abisakyo omo hirengi hisatu hyeyisyano, erihika aho eyosi yamabibya mwekihamya.

34Yesu mwabuga ebi byosi oko syondeko omo misyo; mwatabwiraboki ate musyo. 35Kibererere ekyabugawa nomu minyereri ati:

Nasyakumbula obuno bwage omo misyo,

Nasyabuga ebyabisawa okwitsuka ryekibanza kye kihugo.

36Neryo mwasiga esyondeko mwaya omo nyumba. Nabiga buwe mobamuhikako bati, Utukumbulire omusyo webiti byomwirima. 37Naye mwasubiryabo ati, Oyu kabiba embuto yowene yo Mugala womundu; 38eririma kye kihugo, nembuto yowene babagala bobwami; ebiti babagala bomubi, 39nenzigu eyo wabibabyo ni Setani; erigesa ryerihwererera ryemigulu, nabagesi babamalaika. 40Nikwa ngoko ebiti bikakumakumawa nerihisibwa omo muliro, ko bikasyabya bitya okwihwererera ryemigulu. 41OMugala womundu asyatuma abalaika buwe, basyahindania nerilusya omo bwami buwe ebyosi ebikaleta ebibi nabakola nabi bosi, 42asyagusabo omo kitabiro kyomu liro; eyo abandu basyarira nerikeregeta ameno wabo. 43Oko mugulu oyo abatunganene basyakangabania ngeryuba omo bwami bwaTata wabo. Oyu wite amatwi, owe.

Ebindu omwirima

44Obwami bwelubula buringene nebindu ebibisire omwi rima, ebyo mundu abana mwaswikirabyo; neryo omo butseme buwe akayagulaya ebyosi abya awite iniagula eririma eryo.

Elulu yowene

45Kandi, obwami bwelubula buringene nomutundi oyu kasonda esyolulu nyibuya, 46naye abere abana elulu nguma yo buguri bunene, mwaya gulya ebyosi ebyo abya awite mwagulayo.

Butahataha

47Kandi, obwami bwelubula buringene nekisohi ekyagusawa omo ngetsi mokyahindania emisondo yosi ya mahere; 48kye bere kyabiusula, abandu mobakurirakyo oko mukokoro mobi kala ahisi moba-sombolera esyowene syomo syonyungu nikwa mobagusa esitowene. 49Ko bikandisyabya bitya okwihwererera ryemigulu. Abalaika basyasa basyasombola ababi omo batunganene, 50nerigusabo omo kitabiro kyomuliro; eyo bandu basyarira nerikeregeta ameno wabo.

51Mwamaminya emyatsi yosi eyi kwehi? Nabo mobamu bwira bati, Ega. 52Neryo mwabwirabo ati, Busana neki oburi musaki owabiriyigisibwa busana nobwami bwelubula aringene nomwenye nyumba oyu kahulukaya omo bindu biwe ebihya bihya nebya kera.

Yesu eNazareta

53Kandi Yesu abere abibuga emisyo eyi, mwalwayo, 54nerihika omo kihugo kiwe mwakangiriryabo omo nyumba yabo yerihindana, kyaleka ibasweka bati, Omundu oyu alusaya amenge aya nemibiri eyi yamaka byo hahi kwehi? 55Oyu si mugala womubatsi kwehi? Ninya wuwe yute hulawa mo Maria kwehi? Na bagala babo si Yakobo na Yosefu na Simoni na Yuda kwehi? 56Na bali babo bosi situri nabo kwehi? Ko mundu oyu alusaya ebi byosi byohahi kwehi? 57Moba mupona. Nikwa Yesu mwabwirabo ati, Omuminyereri siari bula olukengerwa monomo kihugo kiwe nomo nyumba yiwe. 58Naye mwatakoleraho emibiri yamaka mingi, busana neriti ndikirirya ryabo.

നിലവിൽ തിരഞ്ഞെടുത്തിരിക്കുന്നു:

Matayo 13: NTN62

ഹൈലൈറ്റ് ചെയ്യുക

പങ്ക് വെക്കു

പകർത്തുക