Luku Kusinti
Kusinti
Hai kusintii tiau gbakã Luku í fɔ ide iyi í jɛ icu si sɛɛda ku jɛɛ. Ideu wee. Jesu í jɛ Ilaaɔ̃ nɔ í jɛ Zuifu nɔ í naaò kukpaasi nla nla wa si andunya. Luku í nyisi bɛi Ilaaɔ̃ í bi inɛ ŋa iyi a kù waa saalu, waatɔ inɛ ŋa iyi à kaye ara nŋa do amu ŋa do inaabo ŋa do ilu are ŋa do isɛ mmu ŋa. Í nyisi icɛi Hundei Ilaaɔ̃ do inɔ didɔ̃ do kutɔɔ iyi í ya wa tengi bii laabaau jiidau í wa. Gɛrɛki ŋai Luku í kãsi iju í re si tiaɛ, waatɔ inɛ ŋa iyi a kù mà dedembai inɛi Izirɛli ŋa. Na nŋu, yaasei mii ŋa iyi í jɔ bɛi á mu ŋa bitii í sisi.
Yaasei tiau wee.
1. Iri 1:1-4. Luku mɔ í kɔ laabaau jiidaɛ si yaase dimi akã do ti Matie do Maaku. Amma mii iyi í nya ikã si Matie do Maaku, nŋui í jɛ iyi hai kusintii tiau Luku nŋu í fɔ inɛ iyi í kɔa tiaɛu do yaase iyi í kɔɔò.
2. Iri 1:5-2:52. Si anyiɛ í bɛi í sinti tiau ku kɔ hai si dimii Jesu ŋa do ti Zãa woo dasi inyiu. Si tengi bɛi í ce faajii laabaau iyi à sɔ̃ Maari, do kubíi Zãa woo dasi inyiu, do kubíi Jesu do woo degbe ŋa iyi à koo à tɔɔɛ. Nɔ í fɔ idei iri iyi Maari í kɔ̃ má do ti Zakari do ti Simeɔ̃.
3. Iri 3:1-4:13. Kubíi Zãa woo dasi inyi iyi í cuaa Jesu wa do inyi ku dasii Jesu do bɛi Seetam í lɛlɛɛ.
4. Iri 4:14-9:50. Kuwɛɛi Jesu si inɔ zamaa si ilɛi Galilee do bɛi í waazo bɛ nɔ í faaba bɔ̃ɔ ŋa.
5. Iri 9:51-19:28. Isɛɛnɛ iyi Jesu í ce hai Galilee ku bɔ Zeruzalɛmu. Amma Luku í fɔ ide nkpɔ si tengi ihɛ̃ iyi Maaku kù fɔ. Í fɔ idei mɔndai inɛi Samariu, do ti ilu amani hai nɛ laakaiu, do ti ama iyi í nyɔ nɔ à yɔɔu, do faajii bii Jesu í bɔ Maata do Maari ku kaako.
6. Iri 19:29-21:38. Icɛ iyi Jesu í ce inɔ ilu Zeruzalɛmu.
7. Iri 22-23. Wahala ankãanyii Jesu do ikuɛ.
8. Iri 24. Tiau í kpa irii si ajɔi kujĩi Jesu hai si balɛ. Tengi bɛi í fɔ yaase bɛi Jesu í faata si mɔcɔɛ ŋa si kpãai Emayusi í bɛi í fɔ idei kunyii Jesu lele.
നിലവിൽ തിരഞ്ഞെടുത്തിരിക്കുന്നു:
Luku Kusinti: MKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
2021, SIM International et UEEB