Да се спаси светот

Исус е ветениот Спасител и син Давидов, но како Тој дојде до тие титули? Дали може да кажеме дека Исус ја завршил својата мисија на земјата кога и по сѐ што направи, светот сè уште изгледа скршено. 

Многу луѓе имаа очекувања за тоа каков треба да биде Спасителот. Некои очекуваа да биде војник што ќе ги истера нивните непријатели, други пак очекуваа моќен судија што ќе ги осуди грешниците, а никој не очекуваше некој како Исус. 

Исус се опкружи со обични луѓе, ги поучуваше луѓето како да се поврзат со Бог преку нивната грижа за луѓето околу нив, јадеше со грешници и им даваше надеж на оние што страдаат. Тој правеше чуда, кои им беа од корист на луѓето кои што сметани за безначајни или духовно скршени. 

Исус знаеше дека светот нема потреба од уште еден моќен владетел на земјата, туку нешто подлабоко како: нов начин на живот вкоренет во понизност, простување и дарежливост. Ваквиот начин на живот гради добри врски со другите, им носи надеж на бедните и нѐ потсетува дека сме дел од нешто поголемо од самите себе. 

Исус за нас претставува многу повеќе од позитивен пример. Тој е наш Бог, кој го даде својот живот за нас и воскресна од мртвите за да го направи вистинското простување достапно за сите нас.  

Божиќната приказна е моќен преглед на животот на Исус која нѐ потсетува на тоа каков е Бог и на кој начин му дава спасение на светот. Исусовите следбеници секојдневно избираат да простат, да бидат дарежливи и да носат одлуки за доброто на сите. Секоја од овие одлуки прави светот да наликува повеќе на рајот.  

На Божиќ Бог нѝ го даде својот син како подарок што ни дава цел, припадност и простување, подарок што треба да го споделиме со други луѓе. 

Моли се: Драги Боже, јас те славам поради твојата милост и грижа за нас. Ти благодарам што ми овозможи простување и што ми даде цел преку Исус. Помогни ми да најдам начин да бидам посличен Нему во моето секојдневие. Во името на Исус, амин. 

Предизвик: Секој од нас е на пат да стане посличен на Исус.Оваа статија ќе му помогне на секој што сака да го открие следниот чекор во следбеништвото на Исус.