Утеши ги моите луѓе

Божиќната приказна е полна со изненадувања. Во текот на следните пет дена ќе ги истражуваме заплетите и расплетите на оваа античка приказна со цел да го откриеме нејзиното значење и влијанието врз нашите животи денес.

Дали некогаш се чувствуваш како Бог да е многу далечен или можеби дека е премногу тивок и не забележува низ што поминуваш? Доколку е така, не си единствен.

Замисли си дека си дел од заедница што е нападната и завладеана од непријателски сили, кои ви го прават животот мизерен, но ти си израснат слушајки за Божјата љубов за твоите луѓе а, сепак, како што поминуваат годините се прашуваш дали Бог е навистина со нас? 

Вака се чувствувале многу луѓе во античкиот Израел во годините пред да пристигне Исус. Тие биле угнетувани и третирани лошо од корумпираните владетели, но многумина верувале дека Бог ќе испрати Спасител, кој ќе ги ослободи и ќе ги направи целосни.

Дали некогаш се чувствуваш како да чекаш и се молиш во несигурност дека Бог ќе одговори на таа промена за која се молиш? Доколку е така, ти знаеш како се чувствувале Израелците, но важно е да знаеш дека дури и во текот на исчекувањето, Бог беше со нив. 

Но Бог не чекаше само така, туку Тој работеше во позадина за да направи нешто ненадејно, чудесно и незамисливо за сите. 

Тој не само што испрати Спасител, Тој се појави лично на земјата и тоа не во функција на моќен владетел или силен војник, туку се понизи Себеси доаѓајки како бебе во утробата на една млада жена Марија. 

Доколку некогаш се прашуваш дали е Бог со тебе, присети се на Божиќната приказна бидејќи Бог е секогаш присутен и секогаш работи дури и во моментите кога ние не можеме да го видиме тоа. 

Моли се: Драги Боже, ти благодарам што си помеѓу нас. Те молам помогни ми да ти верувам дури и кога не го чувствувам Твоето присуство. Помогни ми да имам доверба во Твојата љубов додека размислувам за прекрасната Божиќна приказна. Во името на Исус, амин.