Радикална мудрост: Седумдневно патување за татковциПримерок

Заедничка вечера

На една рака можам да ги набројам работите на кои инсистираше мојата сопруга. Заедничка вечера беше една од нив.

„Кога ќе се вратиш дома?“ ќе прашаше. „Малку сум зафатен . . . ќе потрае некое време“, би рекол. Не прифаќајќи го образложението, таа ќе одговореше „Ослободи се и појди кон дома. Во ова семејство вечераме заедно. Ќе биде спремнo и ќе бидеме на масата во 6:30!“

Претерувам малку, но не многу. Мојата сопруга постојано инсистираше на тоа да вечераме заедно како семејство секоја вечер. Отпрвин, не разбрав зошто е толку важно.

Но, со текот на времето, особено кога моите деца станаа адолесценти, разбрав која е важноста. Тоа беше единственото време во денот кога се гледавме едни со други. Разговаравме за различни работи. Можевме да ги слушнеме нивните срца и тие можеа да ги слушнат нашите. Можеа да видат како нивните родители зборуваат, работат заедно и меѓусебно се сакаат. Брат и сестра седеа таму за да добијат една мала доза семејство.

Ако не дома, каде ќе научат твоите деца за посветена љубов, семејна динамика, лојалност, емпатија, решавање проблеми низ меѓусебни односи и прошка? Кој ќе ги подготви за брак и семеен живот? Мислам дека не постои „училиште за сопрузи“ и „училиште за сопруги“ каде нашите деца можат да учат за овие работи.

Прашање: Дали твоето семејство редовно се собира дома? Запрашај се: „За дваесет години, дали ќе биде поважно тоа што го добиле од надворешните активности или од основните семејни вредности?“