Iza i Jesoa?Santionany

Jesoa ilay Tompo nitsangana tamin'ny maty

Efa nanatrika fandevenana ve ianao? Fantatro fa manahirana ilay fanontaniako ary ialako tsiny ny fametrahako izany ety am-piandohana. Fa ireny fandevenana ireny dia mamoaka ireo karazam-panontaniana rehetra momba ny fahafatesana, ary koa ny fiainana ao aorian'ny fahafatesana.

Ny fahafatesana ve teboka izay mamarana ny tantarantsika eto an-tany? Sa ve ny fahafatesana faingo izay entina mampita antsika amina karazam-piainana hafa indray?

Misy antony ve ny inoana ny fisian'ny fiainana ao aorian'ny fahafatesana sy ny fanantenana any ankoatran'ny fasana?

Ny tranga amin'ny tantara izay vao avy novakiantsika dia mitranga ao amina efitra iray ambony rihana tao aorian'ny namonoan'ny Romana an'i Jesoa. Niangona tao ireo mpianatra, nihorohoro manoloana ny fiovan'ny zava-misy, rehefa, tampoka teo, nipoitra teo ampovoanin'izy ireo i Jesoa.

Tsy vao voalohany akory i Jesoa no nanaitra ny mpianany amin'ny fijoroana manoloana an'izy ireo velona indray. i Tomasy anefa tsy mba teo tamin'ireny fotoana ireny ary nisalasala momba an'ilay tantara izy, ka nanatona azy manokana i Jesoa ary nilaza hoe,

"Atehefo eto ny rantsan’tànanao, ka jereo ny tànako; ary atehefo eto koa ny tànanao, ka ataovy amin’ny lanivoako; ary aza ho isan’izay tsy mino, fa minoa. 28Dia namaly Tomasy ka nanao taminy hoe: Tompoko sy Andriamanitro! " (and 27,28)

Teo no nahazoana an'ilay fitenenana hoe "Tomasy mpisalasala"

Tahaka an''i Tomasy, mety hisy fotoana isalasalana isika rehetra; Mety indraindray hanontany tena isika raha tena misy Andriamanitra na tsia; hisy fotoana mety hieritreritra hoe tena tia antsika tokoa ve i Jesoa. Mety hisy fotoana hanontany tena isika hoe: "Marina daholo ve izany rehetra izany?" "Afaka mahatoky ny zavatra tsy hitako ve aho?"

Soa ihany fa tsy matahotra izay tsy finoantsika Andriamanitra, ary rehefa milaza aminy ny fisalasalantsika isika, izay fanehoana ny finoantsika. Raha ny tena marina, ao anatin'ity tantara ity isika dia mianatra fa Jesoa dia tia hanakaiky antsika manoloana ny fanontaniantsika, ary matetika dia finoana matanjaka sy matoky kokoa no hita ao amin'ny ilan'ny fitolomantsika amin'ny fisalasalantsika.

Fa, etsy ankilany, ny vaovao mahafaly dia isika manana antony mari-pototra maro isika inoana fa Andriamanitra nanangana an'i Jesoa tamin'ny maty. Ireto misy antony vitsy:

• Hita fa foana ny fasana nisy an'i Jesoa tamin'ny Alahady tao aorian'ny nanombohana azy sy nilazany azy ho faty.
• Niseho tamin'ny mpianany i Jesoa nandritra ny efapolo andro, anisan'izany ireo nisalasala tahaka an'i Tomasy, ary tamin'ireo tsy nino tahaka an'i Jakoba sy Paoly, izay tsy mpanara-dia an'i Jesoa tany am-boalohany.
• Vokatr'ireny fisehoana ireny, dia niova tanteraka ny fiainan'ireo mpianatra any ka maro tamin'izy ireo no vonona ny hijaly sy ho faty noho ny finoany an'i Jesoa. Mazava fa misy olona manaiky ho faty noho ny zavatra inoany (na fivavahana) ho marina, fa tsy misy olona salama saina manaiky ho faty noho ny zavatra fantany fa diso! Mampatsiahy antsika ity tantara ity fa ny mpianatra voalohany no afaka nahafantatra raha marina na tsia ny tantara momba ny fitsanganan'i Jesoa tamin'ny maty.

Ity drafitra famakiana Baiboly anatin'ny dimy andro ity dia nifantoka tamin'ny maha izy azy an'i Jesoa. Ny fitsanganan'i Jesoa ara-nofo dia manome antsika ny fanoroana farany.

Andriamanitra mihitsy no nanamafy ny maha izy azy an'i Jesoa tamin'ny alalan'ny fahagagana.

Tena zanak'Andriamanitra marina tokoa i Jesoa ary Mpamonjy antsika.

Ny fitsanganana dia midika fa ny fahafatesana dia tsy manana ny teny farany.

Misy fanantenana any ankoatran'ny fasana.

Ny fahafatesana dia tsy teboka; faingo izay mitondra antsika amin'ny fanatrehan'i Jesoa.

Ary asaina isika hamaly an'i Jesoa amin'ny alalan'ny akon'ny tenin'i Tomasy: "Tompoko sy Andriamanitro!"