Izay irinao no iriko…

'Raha mangataka zavatra amiko amin'ny anarako ianareo, dia hataoko izany..'" (Jaona 14:14)

Nandritra ny taona maro, dia nihevitra aho fa io andininy io dia midika fa tsy maintsy mamarana ny vavaka rehetra amin’ny hoe: “Amin’ny anaran’i Jesosy, amen”. Fantatrao ve anefa izay tena tian’i Jesosy holazaina eto?

Tiany isika hampifanaraka ny faniriantsika amin'izay iriny. Izany no fahatakaran’ny mpianatra tamin’izay fotoana izay.

Ahoana anefa no hanaovanao izany? Ahoana no tokony ho fivavaka satria tsy voatery ho fantatrao foana ny sitrapon'Andriamanitra? Ny Fanahy Masina dia te hanampy anao amin'izany:

"Ary toy izany koa, ny Fanahy no mamonjy ny fahalementsika: fa tsy fantatsika izay vavaka tokony hataontsika; fa ny Fanahy no mifona amin'ny fitarainana tsy azo tononina.Ary Izay mandinika ny fo no mahalala izay hevitry ny Fanahy, satria araka an'Andriamanitra ny fifonany ho an'ny olona masina." (Romana 8 : 26-27)

Vaovao mahafaly! Andriamanitra dia maniry ny tsara indrindra ho anao, ary noho izany, rehefa manaiky ny drafitra sy ny fikasany ianao, dia mahazo mihoatra lavitra noho izay mety ho nirinao ho an’ny tenanao. Fiainana bebe kokoa. Fifaliana bebe kokoa. Mihoatra lavitra amin’ny zavatra rehetra!

Fantatr’i Jesosy izay mahasoa anao, ary ny fanarahana ny faniriany mihoatra noho ny anao dia hahatonga anao ho sambatra kokoa. Manamafy izany ity andiany manaraka ity:"Ary fantatsika fa ny zavatra rehetra dia miara-miasa hahasoa izay tia an'Andriamanitra, dia izay voantso araka ny fikasany rahateo.." (Romana 8:28)

Vonona ve hianao hanomboka izany anio? Hafoy ny aminao anaty vavaka sy hatoky tanteraka Azy? Dia manasa anao aho hiaraka amiko hanao izao vavaka izao, "Jesosy ô, maniry izay irinao aho. Handeha amin'ny lalana efa nomaninao ho ahy aho. Fanahy Masina ô, aoka ho azoko izay asehonao amiko, ireo fahamarinana tianao hambara amiko amin’ny alalan’ny Teninao, mba ampio aho hahita ny teny mety rehefa mivavaka.

Fahagagana ianao!

Déborah