Ny fotoananao amin'ny fotoany…

Nisy fotoana tsy afaka niditra tao amin'ny pejiny Facebook mihitsy ny mpamokatra ahy, ary satria pejy fandraharahana izy io, dia tena nanahirana be izay trangan-javatra izay.

Samy niezaka mafy nitady vahaolana izahay. Nandefa tao amin'ny Instagram mihitsy aza aho, nanontany ny namako raha misy mahafantatra momba izany. Niezaka nitady olona afaka manampy anay tao amin'ny Facebook ihany koa izahay, sns.

Nandany ora maro izahay mba hamahana ilay olana mandra-pahatongan'ny namana iray nandefa hafatra tamiko hoe: "Ny hany azonao atao dia ny mivavaka." Oops. Nakaiza ary ity lohako? Nandritra ireo ora rehetra ireo dia tsy nivavaka aho na dia indray mandeha aza. Izaho, izay miresaka tsy tapaka momba ny herin'ny vavaka. Mahamenatra.

Indrisy anefa fa mety hitranga amintsika rehetra izany, na dia rehefa ilay avy feno hery tanaty vavaka maraina iny aza. Indraindray dia adinontsika ny mampifandray ny fotoana niarahantsika tamin’ny Tompo sy ny tohin’ny fiainantsika avy eo.

Eo foana Andriamanitra, fa tsy hoe rehefa mandany fotoana miaraka Aminy fotsiny isika. Azonao ve ny tiako lazaina?

Ny fiainanao manontolo, eny fa na ny mandrakizay aza, dia tsy fotoananao izany. Fa fotoanao ao anatin'ny fotoanany!

Enjana izany fomba fisainana izany, sa tsy izany? Ataovy tsapanao tsara. Saino tsara ny fiainana izay nomeny anao. Tsy ny fotoananao no lany. Azy ny fotoana, ary tsy lany ny fotoanany. Ny fotoanany dia ny mandrakizay..

Mifandray Aminy amin’ny fotoana rehetra ianao, arovany, ary afaka mangataka fanampiana Aminy mandrakariva. Ny hany zava-dehibe dia ianao mivavaka:

"Hitaraina amin'Andriamanitra Avo Indrindra aho, dia amin'Andriamanitra Izay mahatanteraka ho ahy. Haniraka avy any an-danitra Izy ka hamonjy ahy, raha miteny ratsy izay misafoaka manenjika ahy; eny, Andriamanitra haniraka ny famindram-pony sy ny fahamarinany." (Salamo 57:2-3)

Andriamanitra dia manana ny fotoana rehetra. Manana ny vahaolana rehetra koa izy. Noho izany, tsy mila mitady vahaolana amin'izao tontolo izao ianao…afaka manatona Azy mivantana ianao.

Fahagagana ianao!

Déborah