Haka ny appMifandray amin’Andriamanitra amin’ny alalan’ny vavakaSantionany
Ny hany afaka ataontsika dia ny mivavaka…
"Ankehitriny ny hany azontsika atao dia ny manantena..."Efa naheno an'io fehezanteny io ve ianao taloha? Izy io dia manambara toe-javatra iray izay, raha ny amin'ny maha-olombelona, dia tsy misy azo atao intsony…Ny hany afaka atao dia ny manantena fahagagana.
Mino aho fa efa naheno olona niteny ihany koa ianao hoe: "Ny hany sisa azontsika atao dia ny mivavaka. Mila fahagagana isika!" Toe-javatra iray hafa izay tsy misy azo atao intsony amin'ny fomba fijery maha-olona.
Ny tena zava-dehibe dia tsy ny hoe manantena fotsiny isika, fa mivavaka! Ny vavaka dia fandraisana anjara lehibe. Rehefa mivavaka isika, dia misy fiovana goavana. Tsy manantena kisendrasendra intsony isika fa manantena an'Andriamanitra, ary izay manantena an'Andriamanitra dia hahita fahagagana!
"…satria izahay manantena an'Andriamanitra velona…" (1 Timoty 4 : 10 ).
Misy andinin-teny iray hafa ao amin'ny Baiboly izay mety ho efa renao taloha, fa anio, mivavaka aho mba ho azonao amin'ny fomba vaovao indray izany:
"'Koa lazaiko aminareo: Na inona na inona tononinareo amin'ny fivavahana sy angatahinareo, dia minoa fa efa nandray ianareo, dia ho azonareo izany.'" (Marka 11:24)
Ity andininy ity dia milaza aminao fa rehefa avy mivavaka ianao dia tsy tapitra ny fanantenanao. Rehefa avy nanao vavaka am-panantenana ianao dia mahazo MINO fa hisy zavatra hitranga! WOW.
Oviana ianao no nivavaka farany ho an'ilay fahagaganao ? Fantaro ary minoa indray fa misy fahagagana mitranga rehefa mivavaka ho amin'izay isika! Aza mivavaka fotsiny satria ny toe-javatra misy anao dia milaza hoe: "Ny hany azonao atao dia ny mivavaka." Mivavaka ianao satria mino fa Andriamanitra dia tsy handiso fanantenana anao, araka ny Romana 5:5 izay milaza hoe : "Ary ny fanantenana dia tsy mampahamenatra…" (Romans 5:5).
Afaka mizara torohevitra hafa aminao ve aho androany? Maka fotoana hivavahana ho an’ilay trangan-javatra misy eo aminao ankehitriny, satria, izany koa dia eo ampelatanan’Andriamanitra 100%.
Manantena- Mivavaka- Mino!
Fahagagana ianao!
Déborah
Soratra Masina
Mombamomba ity Planina ity
Tsy mahita fiadanana ve ianao? Sahiran-tsaina ve ianao? Sarotra aminao ve ny mivavaka? Tahaka anao, izaho koa dia sahirana amin'ny vavaka indraindray. Fa ny vavaka izay asandrantsika nefa no mariky ny fifandraisantsika mivantana amin’Ilay Mpanjaka an’izao tontolo izao. Manasa anao aho hiaraka amiko ao anatin’ny 5 andro hijerentsika ny antony hilana ny fifandraisana amin'Andriamanitra amin'ny alalan'ny vavaka.
More
Misaotra an'i mg.Jesus.net izahay nanome ity drafitra ity. Raha mila fanazavana fanampiny dia tsidiho azafady: https://mg.jesus.net/
Planina mifandraika
Paska - Fandresena Amin'ny Fahafatesana
Hoy Jesosy aminao hoe: Manaraha Ahy!
Mifandray amin’Andriamanitra amin’ny alalan’ny vavaka
Mahafantatra Misimisy Kokoa Ny Amin'ny Paska
NY HARENAN’NY SALAMO 23
Ny Baiboly Ho An’ny Ankizy
Fantaro Ny Herin'ny Vavaka
An-Dalana Ho Amin’ny Paska
Mandray Fanapahan-Kevitra Araka Ny Fitarihan'Andriamanitra
