Rota, Tantaran'ny FanavotanaSantionany

Ny famaranan'Andriamanitra

Ny Toko faha efatra dia manomboka amin'ny Boaza eo amin'ny vavahady, eo afovoan'ny tanàna. Teo izy satria te hampiakatra an'i Rota ho vady ary mijery ilay havany mety mahavotra azy. Lehilahy izay tsy fantatsika ilay havana akaiky an'i Rota sy Naomy, na izany aza dia afaka mianatra kely momban'ny toetrany isika amin'ny alalan'ity andalana fohy ity.

Fantatsika fa tsy maintsy niahy azy roa vavy ireo io lehilahy io, nefa tsy indray mandeha izy no niseho mba hanome fanampiana azy ireo. Ankoatra izay, rehefa nanontany ilay lehilahy i Boaza raha te hanavotra an'i Rota, dia nilaza izy fa tsy hanao izany.

Nanao fifanarahana ara-dalàna tamin’ilay havany i Boaza mba hahazoany ny zo manavotra an’i Rota mba hanambady azy. Tsy nanana lalàna nanery azy hanao na inona na inona amin'i Rota izy, kanefa tsy nanao na inona na inona afatsy ny nikarakara azy izy tao anatin'ny boky. Nizara fahasoavana i Boaza tahaka an'i Jesoa mizara fahasoavana ho antsika.

Ampy ho antsika ny fahasoavan'Andriamanitra. Navotan'i Jesoa Kristy isika, mpivahiny tsy mendrika na inona na inona fa nomena ireo zo ho mpandova. Ankehitriny tahaka an'i Jesosy nanavotra ny ampakariny (ny Fiangonana), i Boaza nanavotra ny ampakariny (Rota). Nanambady azy izy ary izy nanan'anaka.

Mahavariana fa mbola tsy niteraka i Rota tao anatin'ny folo taona nanambadiany. Azontsika heverina fa momba izy nandritra izay fotoana izay, kanefa nanokatra ny kibony Andriamanitra tamin'ity fotoana ity mba hiteraka izy. Niteraka zazalahy antsoina hoe Obeda izy, izay tonga raiben'ny Davida Mpanjaka lehibe.

Te haneho an-tsary iray hafa indray aho momban'ny fahasoavan'Andriamanitra sy ny fanjakany amin'ny alalan'ny fahaterahan'ity zaza ity. I Rota dia Moabita taloha; vahiny izay tsy nanana zo. Na izany aza, tamin'ny alalan'ny fahasoavana sy fanavotana dia lasa tafidtra anatin'ny firazanan'i Kristy izy. Tena tantara tsy mampino!

Tsy mora ny fiainan'i Rota. Lehibe tao amin'ny tanàna feno faharatsiana izy. Ory nohon'ny fahafatesan'ny vadiny izy. Nanaraka an'i Naomy tany amin'ny toerana hafa izy ary niaina tao anatin'ny fahantrana. Raha tsy hilaza afatsy ny hoe ireo toe-javatra sarotra rehetra.

Na izany aza, araka ny efa notondroiko tany am-piandohan'ity andiany ity, afaka mahita ny dian-tanan'Andriamanitra isika nandritra ny tantaran'i Rota ary tsy misy fisalasalana fa niasa Izy nandritra ny fotoana rehetra. Sarotra sady lava ny dia, fa nifarana tamin'ny fanavotana. Nanomboka tamin'ny fahabangana i Rota, fa niafara tamin'ny fahafenoana!

Na toy ny ahoana ny vanim-potoana misy anao amin'izao, tadidio fa Andriamanitra dia miasa eo amin'ny fiainanao. Manenona lamba tsara tarehy Izy; ary mbola tsy vita, fa mbola eo an-dalana. Fantaro fa Andriamanitra dia be fahasoavana, tsara, ary tia anao Izy. Raha sendra kivy ianao ao anatin'ny dianao, avereno jerena ny fiainan'i Rota ary tadidio fa Andriamanitra miasa mba hahatsara ny vahoakany.