Rota, Tantaran'ny FanavotanaSantionany

Tany am-pamoloana

I Rota sy Boaza dia olona nisongadina hatrany noho ny finoany sy ny fankatoavany. I Rota dia vehivavy nanam-pinoana tokoa, tsy nisy fisalasalana. Niova fo teny an-dalana ho any Betlehema izy ary nanohy ny diany ho any amin'ilay tany vaovao. Nino izy fa Andriamanitra dia hanome azy sy Naomy izay ilainy raha nandeha nitsimpona salohim-bary izy. Nino sy nahatoky izy na dia tao anatin'ny fahasarotana aza.

Raha misy zavatra iray izay tena azontsika antoka dia na toa mafy toy ny inona ary ny vanim-potoana misy antsika, dia tokony mino sy mahatoky an'Andriamanitra izay manome izay ilaina isika. Na dia misy fotoan-tsarotra be aza dia tokony mamela ny finoantsika hivelatra eo amin'ny fahatokisana an'Andriamanitra isika, raha tsy izany dia tsy hihalehibe mihitsy ny finoantsika ary tsy hahita ny fahafenoan'ny tian'Andriamanitra atao amin'ny fiainantsika isika.

i Rota dia vehivavy tsara toetra, ary tahaka izay ihany koa ilay lehilahy izay nandriany ny tongony. I Boaza sy Rota dia mety miaraka tsara noho izay. Olona roa feno hatsaram-panahy no nitambatra tamin'ny alalan' ny fitahiana sy fahatsaran'Andriamanitra. Mino aho fa betsaka ny zavatra afaka lazaina avy amin'ny ity tantara ity.

Rehefa nandeha tamin'ny hatsaram-panahy, ny finoana ary ny fanetre-tena i Rota dia noderain'ilay lehilahy tiany izy. Tsikaritr'i Boaza ny fahaizany sy ny hatsarany ka nanome voninahitra azy tamin'ny namaliany ny vavaka nataony ho azy tao amin'ny toko faha 2. Fa mihoatra izany, dia hitan'Andriamanitra ny fahaizany sy ny hatsarany.

Misy oha-pitenenana tahaka izao henoko: " ny toetra dia ny maha izy anao rehefa tsy misy mijery". Tsy nanana eritreritra mihitsy i Rota hoe ny fiainany dia hisongadina be, kanefa olona aman-tapitrisany no mandray azy ho ohatra. Saintsaino ny tian'Andriamanitra atao amin'ny alalan'ny olonY izay manana toetra tsara. Ao anatin'ny fotoana izay heverintsika fa tsy misy mpijery antsika na mamaly antsika amin'ny asantsika no ahitan'Andriamanitra ny toetsika.

Enga anie izaho sy ianao ho olona afaka antsoina hoe lehilahy sy vehivavy feno fahatsarana tahaka an'i Rota sy Boaza. Miasa amin'ny finoana rehefa mitady ho foana ny fanantenana. Mamaly am-panetre-tena ny fahafahana atolotra anao. Maneho fahatsaram-panahy feno fitiavana ho an'ny olona rehetra manodidina anao. Tsy fantatrao hoe fiainan'iza no mety voakasikao.